Mateo 5:1 - BAIBLO ALOO NGMAMI KLƆUKLƆU Ɔ

¹ Benɛ Yesu na ma kpekpemi ɔ, e kuɔ yoku ɔ, nɛ e ya hi si. E kaseli ɔmɛ ba e ngɔ,

Somi He Ɔ

¹ Benɛ Yesu na asafo ɔ, e kuɔ kɛ ya yoku ɔ nɔ, nɛ e ya hi si. E kaseli ɔmɛ ba e ngɔ,

Mateo 5:1 ပူးပေါင်းရင်းမြစ်များ

Mateo 13:2

Nimli jiji nitsɛnitsɛ ba bɔle lɛ kɛ kpe. Lɔ ɔ he ɔ, e ya sɛ lɛ ko mi nɛ e hi si, be mi nɛ ma a tsuo daa si ngɛ wo ɔ nya.

Mateo 15:29

Yesu je lejɛ ɔ, nɛ e pue nɔ kɛ ya gu Galilea wo ɔ nya. E kuɔ yo ɔ nɛ e ya hi si.

Mateo 4:25

Nihi babauu je Galilea, Ma Nyɔngma amɛ, Yerusalem, Yudea, kɛ mahi nɛ ngɛ Yordan pa a se ba nyɛɛ Yesu se.

Mateo 5:2

nɛ e bɔni mɛ ní tsɔɔmi ke,

Marko 3:13

Enɛ ɔ se ɔ, Yesu ya yoku ko nɔ, nɛ lɛ nitsɛ e tsɛ nihi nɛ e suɔ ɔ kɛ ba e ngɔ.

Marko 3:20

Jehanɛ Yesu ba su we mi. Nihi babauu ba bua a he nya ekohu bɔ nɛ Yesu kɛ e kaseli ɔmɛ na we hɛ mi nɛ a ye ní po.

Marko 4:1

Yesu bɔni ní tsɔɔmi ekohu ngɛ Galilea wo ɔ nya. Nihi nɛ ba bua a he nya ngɛ e ngɔ ɔ, a he hiɛ babauu, lɔ ɔ he ɔ, e sɛ lɛ ko mi nɛ e ya hi si. Lɛ ɔ ngɛ wo ɔ nɔ, nɛ ni ɔmɛ tsuo pueɔ si ngɛ wo ɔ nya.

Luka 6:12

Jamɛ a be ɔ mi ɔ, Yesu ho yoku ko nɔ ya nɛ e ya sɔle; e hi lejɛ ɔ nyɔ ɔ mi tsuo, nɛ e kɛ fa kue ha Mawu.

Luka 6:17

Benɛ Yesu kɛ bɔfo ɔmɛ kple si kɛ ba a, e ba da si ngɛ magbɛ nɔ, kɛ e se nyɛɛli babauu. Nimli babauu nitsɛ ngɛ lejɛ ɔ. A je Yudea zugba a nɔ tsuo, kɛ Yerusalem, kɛ Tiro, kɛ Sidon wo nya ma amɛ a mi.

Luka 6:20

Yesu plɛ e hɛ mi ngɔ kpee e kaseli ɔmɛ, nɛ e de mɛ ke, “A gbaa nyɛ, ohiatsɛmɛ, ejakaa nyɛ nɔ́ ji Mawu matsɛ yemi ɔ nɛ!

Luka 9:28

Benɛ Yesu tu munyu nɛ ɔmɛ maa pee ligbi kpaanyɔ se ɔ, e ngɔ Petro, Yohane, kɛ Yakobo kɛ ho yoku ko nɔ ya nɛ e ya sɔle.

Yohane 6:15

Benɛ Yesu na kaa a ngɛ hlae nɛ a nu lɛ pani nya, nɛ a wo lɛ matsɛ ɔ, e sã e he si, nɛ lɛ nɔ kake e je kpoo kɛ kuɔ yo ɔ ekohu.