Mateo 4:9 - BAIBLO ALOO NGMAMI KLƆUKLƆU Ɔ

⁹ nɛ e de Yesu ke, “Ke o kpla si nɛ o ja mi ɔ, ma ngɔ enɛ ɔmɛ tsuo kɛ ha mo.”

Somi He Ɔ

⁹ nɛ e de lɛ ke: “Ma ngɔ enɛ ɔmɛ tsuo ha mo, ke o kpla si nɛ o ja mi ɔ.”

Mateo 4:9 ပူးပေါင်းရင်းမြစ်များ

La 72:11

Matsɛmɛ ɔmɛ tsuo nɛ a ba kpla si ngɛ e hɛ mi, nɛ je ma amɛ tsuo nɛ a sɔmɔ lɛ!

Abɛ Womi 8:15

I piɛɔ matsɛmɛ a he kɛ hyɛɛ ma nɔ; i piɛɔ nɔ yeli a he kɛ woɔ mlaa kpakpahi.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Mateo 26:15

nɛ e ya de mɛ ke, “Ke i je Yesu ngɔ wo nyɛ dɛ mi ɔ, mɛni nyɛ ma ha mi?” A kane sika hiɔ yi nyingmi etɛ ngɔ ha lɛ,

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yohane 13:3

Yesu nitsɛ le kaa Tsɛ ɔ ha lɛ he wami tsuo nɛ e kɛ pee nɔ́ tsuaa nɔ́. E le hu kaa Mawu ngɔ nɛ e je kɛ ba, nɛ Mawu ngɔ nɔuu e kpale kɛ yaa.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 16:11

Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

1 Timoteo 3:6

E ko pee nɔ ko nɛ tsake e tsui kɛ we. Ke pi ja a, e ma wo e he nɔ, nɛ Mawu maa gbla e tue kaa bɔ nɛ e pee Abosiami ɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”