Mateo 4:4 - BAIBLO ALOO NGMAMI KLƆUKLƆU Ɔ

⁴ Se Yesu he nɔ ke, “Ngmami ɔ ke, ‘Pi abolo kɛkɛ nɛ haa nɔmlɔ yi naa wami, se mohu munyu tsuaa munyu nɛ jee Mawu nya a.’ ”

Somi He Ɔ

⁴ Se Yesu he nɔ ke: “A ngma ke: ‘Pi abolo kɛkɛ nɛ haa nɔmlɔ yi naa wa; se mohu munyu tsuaa munyu nɛ jee Mawu nya mi ɔ.’ ”

Mateo 4:4 ပူးပေါင်းရင်းမြစ်များ

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Luka 4:4

Se Yesu de lɛ ke, “A ngma ke, ‘Pi abolo kɛkɛ nɛ haa nɔmlɔ yi naa wami.’ ”

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Efesobi 6:17

Yi wami hemi nɛ pee dade pɛɛ nɛ nyɛ bu. Nyɛɛ pɛtɛ Mawu munyu ɔ nɛ ji mumi ɔ klaate ɔ he.

Mose II, 16:15

Benɛ Israel bi ɔmɛ na a, a li nɔ́ nɛ ji. Enɛ ɔ he je ɔ, a de ngɛ a je gbi mi ke, “Mana.” E sisi ji, “Mɛni ji nɛ ɔ?” Mose de mɛ ke, “Abolo nɛ Yawɛ ha nyɛ nɛ nyɛɛ ye ɔ ji nɛ ɔ nɛ.

Luka 4:8

Yesu he nɔ ke, “A ngma ke, ‘Já Nyɔmtsɛ, o Mawu ɔ, nɛ o sɔmɔ lɛ pɛ.’ ”

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Mateo 4:7

Yesu he nɔ ke, “Ngmami ɔ de ekohu ke, ‘Koo ka Nyɔmtsɛ, o Mawu ɔ.’ ”

Luka 4:12

Se Yesu he nɔ ke, “A ngma ke, ‘Koo ka Nyɔmtsɛ, o Mawu ɔ.’ ”

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mateo 15:11

Pi nɔ́ nɛ yaa nɔ nya mi ɔ nɛ bleɔ nɔ; mohu ɔ, nɔ́ nɛ jee nɔ nya a lɛ bleɔ nɔ.”

Marko 7:20

E ya nɔ nɛ e de ke, “Nɔ́ nɛ jeɔ nɔmlɔ mi ɔ, lɔ ɔ nɔuu lɛ bleɔ lɛ.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.