Mateo 4:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Somi He Ɔ

³ Nɛ nya tsɔlɔ ɔ ba e ngɔ ba de lɛ ke: “Ke Mawu bi ji mo ɔ, de konɛ tɛ nɛ ɔmɛ nɛ plɛ abolo.”

Mateo 4:3 ပူးပေါင်းရင်းမြစ်များ

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mateo 14:33

Jehanɛ, kaseli ɔmɛ nɛ ngɛ lɛ ɔ mi ɔ ja Yesu, nɛ a de ke, “Niinɛ, Mawu Bi ji mo!”

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Marko 1:1

Sane kpakpa a nɛ kɔɔ Yesu Kristo, Mawu Bi ɔ he ji nɛ ɔ nɛ.

Marko 3:11

Nihi nɛ mumi yayami ngɛ a mi ɔ, mɛɛ lɛɛ be tsuaa be nɛ a maa na lɛ ɔ, a tsɔɔ nɔɔ si ngɛ e hɛ mi, nɛ a kpaa ngmlaa ke, “Mo ji Mawu Bi ɔ nɛ!”

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Luka 22:70

Kɛkɛ nɛ mɛ tsuo a bi lɛ ke, “Lɛɛ tse Mawu bi ji mo?” E he nɔ ke, “Ja nyɛ de ɔ nɛ.”

Luka 4:3

Abosiami de lɛ ke, “Ke Mawu Bi ji mo ɔ, ha nɛ tɛ nɛ ɔ nɛ plɛ abolo.”

Luka 4:41

Mumi yayamihi hu je nihi fuu a mi, nɛ a kpa ngmlaa ke, “Mo ji Mawu Bi ɔ nɛ!” Se Yesu nga mumi yayami ɔmɛ a yi, nɛ e ha we nɛ a tu munyu, ejakaa a le kaa lɛ ji Kristo ɔ.

Luka 4:9

Jehanɛ ɔ, Abosiami ngɔ Yesu kɛ ba Yerusalem, nɛ e kɛ lɛ ba da sɔlemi we ɔ yi mi ploplooplo ɔ, nɛ e de lɛ ke, “Ke Mawu Bi ji mo ɔ, sake o he ngɔ fia si.

Yohane 1:34

Nɔ́ nɛ ɔ ba mi jã pɛpɛɛpɛ nɛ i na, lɔ ɔ he nɛ i ngɛ odase yee ke Yesu ji Mawu Bi ɔ nɛ.”

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 9:35

Yesu nu kaa a fie lɛ kɛ je jami ɔ mi, lɔ ɔ he ɔ, pee se benɛ e na nyumu ɔ, e bi lɛ ke, “O heɔ Nɔmlɔ Bi ɔ yeɔ lo?”

Ni Tsumi 9:20

E bɔni fiɛmi jamɛ a be ɔ nɔuu ngɛ kpe he ɔmɛ ke Yesu ji Mawu Bi ɔ nɛ.

2 Korintobi 1:19

Ejakaa sɛ gbi nɛ kɔɔ Mawu Bi, Yesu Kristo ɔ he nɛ i kɛ Silvano kɛ Timoteo fiɛ ngɔ ha nyɛ ɔ tsakee we kɛ je “Ee” ba pee “Dɛbi” be kake too. Mohu ɔ, lɛ ji “Ee” Mawu ɔ nɛ.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

1 Tesalonikabi 3:5

Kaa bɔ nɛ i de ɔ, benɛ i nyɛ we tsui tomi hu ɔ, e hia kaa ma tsɔ Timoteo nyɛ ngɔ, nɛ́ e ba hyɛ kaa nyɛ hemi kɛ yemi ɔ mi wa kɛ mwɔɔ lo. I ya ye gbeye kaa alini Abosiami ba ka nyɛ, nɛ e ha nɛ wa dengme nɛ wa gbo ɔ maa pee yaka.

Hebribi 12:16

Nɔ ko kó pee e he yaholɔ, loo mu ní tsulɔ kaa Esau, nɔ nɛ jua e tɛte blɔ nya kɛ he niye ní nya mi bɔ kake ɔ.

Hebribi 4:14

Nyɛ ha nɛ waa hɛɛ hemi kɛ yemi nɛ wa jajeɔ ɔ mi wawɛɛ. Ejakaa wa ngɛ osɔfo nɔkɔtɔma pe kulaa kpetekpleenyɛ nɛ po mi kɛ ho hiɔwe ya tɔɔ. Lɛ ji Yesu, Mawu Bi ɔ.

Hebribi 7:3

A wui Melkizedek tsɛ, loo e nyɛ ta; e weku kpa ko be ɔ, be nɛ a fɔ lɛ, kɛ be nɛ e gbo hu nɔ ko li. E ngɛ kaa Mawu Bi ɔ, nɛ e ngɛ osɔfo yee kɛ yaa neneene.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.