Mateo 4:24 - BAIBLO ALOO NGMAMI KLƆUKLƆU Ɔ

²⁴ Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Somi He Ɔ

²⁴ Nɛ e he sane gbɛ fia Siria tsuo, nɛ a kɛ nihi nɛ be saminya nɛ hiɔhi kɛ piimi slɔɔtohi hɛɛ mɛ kɛ nihi nɛ mumi yayamihi ngɛ a mi kɛ godotsɛmɛ kɛ nihi nɛ a gbɔjɔ ba e ngɔ nɛ e tsa mɛ.

Mateo 4:24 ပူးပေါင်းရင်းမြစ်များ

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Matsɛmɛ I, 10:1

Benɛ Sheba manyɛ nu bɔ nɛ Salomo he biɛ ha a, e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa.

Matsɛmɛ I, 4:31

E le ní pe nɔ tsuaa nɔ; e le ní pe Etan, Ezrahi no ɔ; e le ní pe Mahol binyumuhi, Heman, Kalkol, kɛ Darda; nɛ e he biɛ ngɛ je ma amɛ tsuo nɛ bɔle lɛ kɛ kpe ɔ a mi.

Kronika I, 14:17

David biɛ pɛ ngɛ je ɔ mi he tsuaa he, nɛ Yawɛ ha nɛ je ma amɛ tsuo ye lɛ gbeye.

Kronika I, 29:2

Níhi nɛ a kɛ maa ma ye Mawu ɔ we ɔ, i bɔ mɔde bua nya: sika tsu, sika hiɔ, akɔblee, dade, tso, tɛhi nɛ a he jua wa, tɛhi nɛ kpɛɔ, tɛhi nɛ a kɛ maa níhi a mi, kɛ tɛhi nɛ a he jua wa kpa komɛ.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mateo 12:22

Jehanɛ, ni komɛ ngɔ nyumu ko nɛ hɛ yu, nɛ e tu we munyu hulɔ kɛ ba Yesu ngɔ; nyumu nɛ ɔ, mumi yayami ngɛ e mi. Yesu tsa lɛ, nɛ e tu munyu, nɛ e hyɛ nɔ́ ekohu.

Mateo 14:1

Jamɛ a be ɔ mi ɔ, amlaalo ɔ nɛ ngɛ Galilea nɛ a tsɛɛ lɛ Herode ɔ nu Yesu he,

Mateo 15:22

Kɛkɛ nɛ Kanaan yo ko nɛ je lejɛ ɔ ní ɔmɛ a mi ɔ ba kpa ngmlaa ke, “Nyɔmtsɛ, David Bi, naa mi mɔbɔ! Ye biyo ngɛ mumi yayami ngɛ e mi, nɛ e ngɛ lɛ haoe wawɛɛ nitsɛ.”

Mateo 17:15

nɛ e de ke, “Nyɔmtsɛ, naa ye binyumu ɔ mɔbɔ! Kɔkɔtsɛ ji lɛ, nɛ hiɔ ɔ deɔ nɔ́ ha lɛ wawɛɛ nitsɛ. Bɔɔ kɛkɛ e ya nɔ la mi; bɔɔ kɛkɛ e ya nɔ nyu mi.

Mateo 17:18

Yesu nga mumi yayami ɔ yi nɛ e je e mi, nɛ a tsa lɛ jamɛ a ngmlɛfia a nɔuu.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Mateo 8:28

Benɛ Yesu ba su wo ɔ se je ngɛ Gadara bi ɔmɛ a zugba a nɔ ɔ, nyumuhi enyɔ nɛ mumi yayamihi ngɛ a mi kɛ lɛ ba kpe. Yɔkɔhi a mi a hii; nɛ bɔ nɛ a he ngɛ gbeye ha a, nɔ ko nɔ ko nyɛ we nɛ e guu jamɛ a blɔ ɔ nɔ.

Mateo 8:33

Kpotoo hyɛli ɔmɛ tu fo kɛ ya sɛ ma a mi, nɛ a ya sɛɛ sane ɔ tsuo, kɛ nɔ́ nɛ ba nihi nɛ mumi yayamihi ngɛ a mi ɔ a nɔ ɔ hulɔ.

Mateo 8:6

nɛ e de ke, “Nyɔmtsɛ, ye nyɔguɛ fɔɔ si ngɛ we mi kɛ hulemi hiɔ nɛ e hí nɔ́ ko peemi.”

Mateo 9:26

Nɛ sane nɛ ɔ gbɛ fĩa lejɛ ɔ zugba a nɔ tsuo.

Mateo 9:35

Yesu kpa ma amɛ, kɛ kɔpe ɔmɛ tsuo a nɔ. E tsɔɔ ní ngɛ kpe he ɔmɛ; e fiɛ sane kpakpa a nɛ kɔɔ matsɛ yemi ɔ he ɔ, nɛ e tsa hiɔ slɔɔtohi tsuo.

Marko 1:28

Enɛ ɔ he ɔ, Yesu he sane gbɛ fĩa Galilea kpokpa a tsuo nɔ.

Marko 1:32

Gbɔkuɛ benɛ pu nɔ si ɔ, nihi ngɔ hiɔtsɛmɛ kɛ nihi nɛ mumi yayami ngɛ a mi tsuo kɛ ba Yesu ngɔ.

Marko 2:3

a ngɔ nɔ ko nɛ hule pue si, nɛ nihi eywiɛ tloo lɛ kɛ ba.

Marko 2:4

Akɛnɛ ni ɔmɛ hiɛ tsɔ ngɛ lejɛ ɔ, a nɛ́ blɔ nɛ a kɛ su Yesu ngɔ. Lɔ ɔ he ɔ, a ya hia tsu ɔ nɛ Yesu ngɛ mi ɔ yi mi, ngɛ he nɛ e ngɛ ɔ tutuutu. A siu hiɔtsɛ ɔ kɛ sa a nɛ e hwɔɔ si ngɛ nɔ ɔ tsuo kɛ gu puɔ nɛ a gbu ɔ mi.

Marko 2:9

Te nɔ́ nɛ demi yee nɛɛ; kaa a ma de nɔ nɛ hule pue si ɔ ke, ‘A ngɔ o he yayami ɔmɛ kɛ pa mo,’ loo kaa a ma de ke, ‘Tee si nɛ o hluɛ o sa a nɛ o nyɛɛ?’

Luka 2:2

Enɛ ɔ ji kekleekle nɛ a kane nɔ be mi nɛ Kerinio ngɛ amlaalo yee ngɛ Siria.

Luka 4:14

Yesu kpale e se kɛ ba Galilea, nɛ Mumi Klɔuklɔu ɔ he wami ɔ ngɛ e mi, nɛ e he sane gbɛ fĩa lejɛ ɔ ní ɔmɛ a mi tsuo.

Luka 4:38

Yesu je kpe he ɔ, nɛ e ya sɛ Simon we ɔ mi. Jamɛ a be ɔ mi ɔ, Simon nganyɛ fɔɔ si kɛ asla nɛ nya wa. Lɔ ɔ he ɔ, ni ɔmɛ nɛ ngɛ lejɛ ɔ kpa Yesu pɛɛ ke e ba hyɛ yo ɔ.

Luka 5:15

Se Yesu he sane gbɛ fĩa he tsuaa he mohu. Enɛ ɔ he je ɔ, nimli babauu baa e ngɔ, konɛ a ba bu lɛ tue, nɛ a tsa a hiɔhi ha mɛ hulɔ.

Luka 5:24

Lɔ ɔ he ɔ, ma tsɔɔ nyɛ kaa Nɔmlɔ Bi ɔ ngɛ he blɔ ngɛ je ɔ mi kaa e ngɔɔ yayamihi kɛ paa.” Kɛkɛ nɛ e de nyumu ɔ nɛ hule ɔ ke, “I ngɛ mo dee ke tee si! Ngɔɔ o sa a, nɛ o ho we mi ya!”

Luka 7:17

Yesu he sane nɛ ɔ pɛ ngɛ zugba a nɔ tsuo, kɛ lejɛ ɔ kpokpa amɛ a nɔ.

Yohane 10:21

Se ni komɛ hu de ke, “Nɔmlɔ nɛ mumi yayami ngɛ e mi be nyɛe maa tu munyu kikɛ nɛ ɔ. Kɛ mumi yayami ma nyɛ bli hɛ yuyuili a hɛngmɛ kɛɛ?”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 15:23

A ngma womi ngɔ ha mɛ ke, “Wɔ, nyɛ nyɛmimɛ bɔfo ɔmɛ, kɛ asafo nikɔtɔma amɛ, wa biɔ nyɛ wa nyɛmimɛ ma je li a fɔfɔɛhi nɛ ngɛ Antiokia, Siria, kɛ Kilikia a saminya.

Ni Tsumi 15:41

A gu Siria, kɛ Kilikia; nɛ benɛ a yaa a tsuo ɔ, a ngɛ asafo ɔmɛ he wami woe.

Ni Tsumi 28:9

Benɛ a tsa hiɔtsɛ nɛ ɔ se ɔ, hiɔtsɛmɛ kpahi nɛ ngɛ zugba nɛ wo bɔle lɛ ɔ nɔ ɔ hu ba, nɛ Paulo tsa mɛ.

Ni Tsumi 8:7

Nihi fuu nɛ mumi yayamihi ngɛ a mi ɔ, mumi ɔmɛ kpa ngmlaa wawɛɛ kɛ je a mi. A tsa nihi nɛ hule pue si, kɛ glɔtsɛmɛ babauu.

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.