Mateo 4:23 - BAIBLO ALOO NGMAMI KLƆUKLƆU Ɔ

²³ Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Somi He Ɔ

²³ Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Mateo 4:23 ပူးပေါင်းရင်းမြစ်များ

La 103:3

E kɛ ye he yayamihi tsuo paa mi, nɛ e tsaa ye he hiɔhi tsuo.

La 74:8

A to kaa a ma kpata wa hɛ mi pɛsɛpɛsɛ. Zugba a nɔ hehi nɛ a kpee ngɛ nɛ a jaa Mawu ɔ, a mɛ lɛ tsuo he la.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 12:9

Benɛ Yesu je lejɛ ɔ, e ya sɛ a kpe he ɔ,

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Mateo 13:54

nɛ e kpale kɛ ba lɛ nitsɛ e ma mi. E tsɔɔ ní ngɛ kpe he ɔ, nɛ nihi nɛ bu lɛ tue ɔ, a nya kpɛ a he. A bi ke, “Jije nyumu nɛ ɔ ná kikɛmɛ a nile nɛ ɔ kɛ je? E nyakpɛ ní ɔmɛ hu nɛɛ?

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 24:14

Nɛ sane kpakpa nɛ ɔ nɛ kɔɔ matsɛ yemi ɔ he ɔ, a maa fiɛ kɛ kpa je ɔ mi tsuo, bɔ nɛ pee nɛ je ma amɛ tsuo nɛ a nu; nɛ lɔ ɔ se loko nyagbe ɔ maa ba.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 9:35

Yesu kpa ma amɛ, kɛ kɔpe ɔmɛ tsuo a nɔ. E tsɔɔ ní ngɛ kpe he ɔmɛ; e fiɛ sane kpakpa a nɛ kɔɔ matsɛ yemi ɔ he ɔ, nɛ e tsa hiɔ slɔɔtohi tsuo.

Marko 1:14

Benɛ a nu Yohane wo tsu se ɔ, Yesu ba Galilea, nɛ e ba fiɛ sane kpakpa a nɛ je Mawu ngɔ ɔ.

Marko 1:21

Jehanɛ Yesu kɛ e kaseli ɔmɛ ba ma nɛ a tsɛɛ Kapernaum ɔ. Hejɔɔmi ligbi ɔ, Yesu ya kpe he ɔ, nɛ e ya tsɔɔ ní.

Marko 1:39

Lɔ ɔ he ɔ, e ya kpa Galilea tsuo, nɛ e fiɛ ngɛ a kpe he ɔmɛ, nɛ e hia mumi yayamihi hulɔ.

Marko 3:10

A nu he kaa e tsa nihi babauu he je ɔ, hiɔtsɛmɛ tsuo bu kɛ ba e ngɔ konɛ a ba ta e he.

Marko 6:2

Hejɔɔmi ligbi ɔ, e ya tsɔɔ ní ngɛ kpe he ɔ. Nihi fuu nɛ bu lɛ tue ɔ, a he mi po, nɛ a bi ke, “Jije nɔmlɔ nɛ ɔ ya ná nile nɛ ɔ ngɛ? Mɛni nile a kɛ ha lɛ nɛ ɔ? Mɛni blɔ nɔ e guɔ kɛ tsuɔ kikɛmɛ a nyakpɛ ní nɛ ɔmɛ?

Marko 6:6

Ni ɔmɛ he we lɛ yi, nɛ enɛ ɔ pee lɛ nyakpɛ.

Luka 10:9

Nyɛ tsa hiɔtsɛmɛ nɛ ngɛ ma a mi, nɛ nyɛ de ni ɔmɛ tsuo ke, ‘Mawu matsɛ yemi ɔ na nyɛ ta.’

Luka 13:10

Hejɔɔmi ligbi ko ɔ, Yesu ya ngɛ ní tsɔɔe ngɛ kpe he ko.

Luka 16:16

“Mose mlaa a, kɛ níhi nɛ gbali ɔmɛ ngma a tsu ní kɛ ya si Yohane nɔ sɔlelɔ ɔ yi nɔ. Kɛ je jamɛ a be ɔ, sane kpakpa a nɛ kɔɔ Mawu matsɛ yemi ɔ he ɔ, lɔ ɔ nɛ a ngɛ fiɛe. Nɛ nɔ tsuaa nɔ ngɔ e he kɛ ngɛ mi woe kã nya.

Luka 20:1

Ligbi ko benɛ Yesu ngɛ ní tsɔɔe ngɛ sɔlemi we ɔ, nɛ e ngɛ sane kpakpa a fiɛe ɔ, osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ ba e ngɔ.

Luka 4:14

Yesu kpale e se kɛ ba Galilea, nɛ Mumi Klɔuklɔu ɔ he wami ɔ ngɛ e mi, nɛ e he sane gbɛ fĩa lejɛ ɔ ní ɔmɛ a mi tsuo.

Luka 5:17

Ligbi ko benɛ Yesu ngɛ ní tsɔɔe ɔ, Farisi bi komɛ, kɛ mlaa tsɔɔli komɛ hii si ngɛ lejɛ ɔ. A je Galilea ma amɛ tsuo a mi, kɛ Yudea, kɛ Yerusalem kɛ ba. Nɛ Mawu ha Yesu he wami nɛ e kɛ tsa hiɔtsɛmɛ.

Luka 6:17

Benɛ Yesu kɛ bɔfo ɔmɛ kple si kɛ ba a, e ba da si ngɛ magbɛ nɔ, kɛ e se nyɛɛli babauu. Nimli babauu nitsɛ ngɛ lejɛ ɔ. A je Yudea zugba a nɔ tsuo, kɛ Yerusalem, kɛ Tiro, kɛ Sidon wo nya ma amɛ a mi.

Luka 6:6

Yesu ya kpe he ɔ Hejɔɔmi ligbi kpa, nɛ e ya tsɔɔ ní. Nyumu ko ngɛ lejɛ ɔ nɛ e hiɔ nine gbo.

Luka 7:21

Jamɛ a be ɔ nɔuu ɔ, Yesu tsa hiɔtsɛmɛ fuu a hiɔhi ha mɛ; e hia mumi yayamihi kɛ je nihi a mi, nɛ e ha hɛ yuyuili babauu hyɛ nɔ́ ekohu.

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

Luka 8:1

Enɛ ɔ se ɔ, Yesu ya kpa mahi, kɛ kɔpehi a mi, nɛ e fiɛ sane kpakpa a nɛ kɔɔ Mawu matsɛ yemi ɔ he ngɔ tsɔɔ nihi. Ni nyɔngma kɛ enyɔ ɔmɛ piɛ e he,

Luka 9:11

Benɛ nimli kpekpemi ɔ nu he ɔ, a bu kɛ nyɛɛ e se. E he mɛ hɛmuɔ, nɛ e kɛ mɛ tu Mawu matsɛ yemi ɔ he munyu; nɛ e tsa nihi nɛ tsami he hia mɛ.

Luka 9:60

Yesu de lɛ ke, “Ha nɛ ni gbogboehi nɛ a pu mɛ nitsɛmɛ a ni gbogboehi. Se moo lɛɛ yaa nɛ o ya fiɛ Mawu matsɛ yemi ɔ he sane ɔ.”

Yohane 18:20

Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Yohane 6:59

Yesu de ní nɛ ɔmɛ benɛ e ngɛ ní tsɔɔe ngɛ kpe he ɔ ngɛ Kapernaum.

Yohane 7:1

Enɛ ɔ se ɔ, Yesu kpa si ngɛ Galilea pɛ, se e sume nɛ e ya Yudea zugba a mi, ejakaa Yuda bi ɔmɛ ngɛ lɛ hlae nɛ a gbe.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 18:4

Daa Hejɔɔmi ligbi ɔ, e ya fiɛɔ Mawu munyu ngɔ tsɔɔ nihi ngɛ kpe he ɔ, nɛ e bɔɔ mɔde kaa e ma tsake Yuda bi, kɛ Hela bi tsuo.

Ni Tsumi 20:25

“I kpa nyɛ tsuo nyɛ nɔ, nɛ i fiɛ Mawu matsɛ yemi ɔ he sane ɔ tsɔɔ nyɛ. Amlɔ nɛ ɔ, i le kaa nyɛ ti nɔ ko be mi nae hu.

Ni Tsumi 28:31

E fiɛɛ Mawu matsɛ yemi ɔ he sane, nɛ e tsɔɔ mɛ Nyɔmtsɛ Yesu Kristo he sane. E tu munyu kɛ kã nɛ gbeye yemi ko be e mi; nɛ nɔ ko nɔ ko hu tsi we lɛ blɔ.

Romabi 10:15

Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”