Mateo 4:21 - BAIBLO ALOO NGMAMI KLƆUKLƆU Ɔ

²¹ Benɛ Yesu je lejɛ ɔ, e na nyɛmimɛ enyɔ kpa komɛ ngɛ lɛ mi nɛ a kɛ a tsɛ Zebedeo ngɛ ya kpɛe, nɛ e tsɛ mɛ. Mɛ ji Yakobo kɛ Yohane.

Somi He Ɔ

²¹ Ne benɛ e je lejɛ ɔ kɛ yaa a, e na nyɛmimɛ kpa enyɔ kome, Zebedeo bi Yakobo kɛ e nyɛmi Yohane kɛ a tsɛ Zebedeo ngɛ lɛ mi nɛ a ngɛ a ya amɛ dlae; nɛ e tsɛ mɛ.

Mateo 4:21 ပူးပေါင်းရင်းမြစ်များ

Mateo 10:2

Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Mateo 17:1

Ligbi ekpa se ɔ, Yesu ngɔ Petro, kɛ Yakobo kɛ e nyɛmi Yohane, nɛ e nyɛɛ a hɛ mi kɛ ya yo gagaa ko nɔ ngɛ he ko banee.

Mateo 26:37

E ngɔ Petro, kɛ Zebedeo binyumuhi enyɔ ɔmɛ ngɔ piɛ e he. Aywilɛho nu lɛ, nɛ e hao;

Mateo 4:20

Amlɔ ɔ, a si a ya amɛ, nɛ a ba nyɛɛ e se.

Mateo 4:22

Amlɔ ɔ, mɛ hu a si a lɛ ɔ, kɛ a tsɛ ɔ, nɛ a ba nyɛɛ Yesu se.

Marko 3:17

Yakobo, kɛ e nyɛmi Yohane, Zebedeo bimɛ ɔmɛ (Yesu wo mɛ Boanerges. E sisi ji oslabai bimɛ),

Marko 5:37

E ha we nɛ nɔ ko nɔ ko nɛ nyɛɛ e se, ja Petro, Yakobo, kɛ Yakobo nyɛmi Yohane pɛ.

Yohane 21:2

Simon Petro, kɛ Toma nɛ a tsɛɛ lɛ Hayo hulɔ ɔ, Natanael nɛ je Kana ngɛ Galilea a, Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ya bua ngɛ he ko.

Ni Tsumi 12:2

E ha nɛ a kɛ klaate gbe Yohane nyɛmi Yakobo.