Mateo 4:18 - BAIBLO ALOO NGMAMI KLƆUKLƆU Ɔ

¹⁸ Benɛ Yesu ngɛ si kpae ngɛ Galilea wo ɔ nya a, e na nyɛmimɛ hɛli enyɔ nɛ a ngɛ ya fɔe ngɛ wo ɔ mi. Mɛ ji Simon, nɛ a tsɛɛ lɛ Petro hulɔ ɔ, kɛ Andrea.

Somi He Ɔ

¹⁸ Se benɛ Yesu ngɛ si kpae ngɛ Galilea wo ɔ nya a, e na nyɛmimɛ enyɔ, Simon nɛ a tsɛɛ lɛ Petro, kɛ e nyɛmi Andrea nɛ a ngɛ hɛe ngɛ wo ɔ mi, ejakaa wohɛli ji mɛ.

Mateo 4:18 ပူးပေါင်းရင်းမြစ်များ

Mateo 10:2

Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Luka 6:14

Mɛ ji Simon, nɔ nɛ e wo lɛ biɛ ke Petro hulɔ ɔ, kɛ e nyɛmi Andrea, Yakobo kɛ Yohane, Filipo kɛ Bartolomeo,

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mateo 15:29

Yesu je lejɛ ɔ, nɛ e pue nɔ kɛ ya gu Galilea wo ɔ nya. E kuɔ yo ɔ nɛ e ya hi si.

Yohane 6:1

Enɛ ɔmɛ a se ɔ, Yesu po Galilea taku ɔ nɛ a tsɛɛ Tiberia taku hulɔ ɔ.

Yohane 21:1

Pee se ɔ, Yesu kpale je e he kpo tsɔɔ kaseli ɔmɛ ekohu ngɛ Tiberia wo ɔ nya. Bɔ nɛ e ba mi ha ji nɛ ɔ nɛ.

Yohane 6:8

Kɛkɛ nɛ e kaseli ɔmɛ a ti nɔ kpa hu nɛ a tsɛɛ lɛ Andrea, Simon Petro nyɛmi ɔ de ke,

Marko 7:31

Yesu kpale e se kɛ je Tiro ní ɔmɛ a mi, kɛ ya gu Sidon kɛ ya su Ma Nyɔngma amɛ a mi, kɛ ba Galilea wo ɔ nya.

Mose V, 3:17

Jehanɛ, ngɛ beleku je ɔ, a zugba a huzu ya su Yordan pa a nya. E je Galilea wo ɔ nya ngɛ omleyi je kɛ ya na Ngo wo ɔ ngɛ leneyi je, ngɛ Pisga yo ɔ he ngɛ beleku je.

Mose IV, 34:11

Kɛ je Shefam ɔ, huzu ɔ ma kple si kɛ ya Ribla, ngɛ Ain beleku je, nɛ e maa nyɛɛ ja hluu kɛ ya pi Kineret wo ɔ nya, ngɛ beleku je.

Mose II, 3:10

Lɔ ɔ he ɔ, ha nɛ ma tsɔ mo Farao ɔ ngɔ nɛ o ya je ye ma, nɛ ji Israel bi ɔmɛ kɛ je Egipt.”

Mose II, 3:1

Mose ngɛ e ngatsɛ Yetro, Midian osɔfo ɔ tohi hyɛe ngɛ nga a nɔ. Ligbi ko ɔ, e tsɔ̃ to ɔmɛ kɛ ya gu nga a nɔ, kɛ ya pã si ngɛ Mawu yo, Horeb ɔ he.

Ezekiel 47:10

Kɛ je Engedi pa a nya kɛ yaa si Eneglaim pa a nya tsuo ma hyi kɛ wo hɛli nɛ a ngɛ a yahi kae ngɛ wo ɔ nya. A maa gbe lo slɔɔtoslɔɔtohi babauu ngɛ pa amɛ a mi kaa bɔ nɛ a naa ngɛ Mediterenia wo ɔ nitsɛ mi ɔ.

Mateo 4:19

Yesu de mɛ ke, “Nyɛ ba nyɛɛ ye se, nɛ ma ha nyɛɛ maa hɛ nimli kaa a hɛɛ lo.”