Mateo 4:17 - BAIBLO ALOO NGMAMI KLƆUKLƆU Ɔ

¹⁷ Kɛ je jamɛ a be ɔ mi ɔ, Yesu bɔni fiɛmi ke, “Nyɛ tsake nyɛ tsui, ejakaa hiɔwe matsɛ yemi ɔ su si ta.”

Somi He Ɔ

¹⁷ Kɛ je jamɛ a ligbi ɔ, Yesu bɔni fiɛmi nɛ e ke: “Nyɛɛ kpale kɛ je nyɛ blɔ yaya amɛ a nɔ. Nyɛ tsake nyɛ tsui, se hiɔwe matsɛ yemi ɔ su si haa.”

Mateo 4:17 ပူးပေါင်းရင်းမြစ်များ

Mateo 10:7

Nyɛ ya fiɛ ke, ‘Hiɔwe matsɛ yemi ɔ su si ta!’

Mateo 11:12

Kɛ je be mi nɛ Yohane nɔ sɔlelɔ ɔ bɔni fiɛmi kɛ ba si mwɔnɛ ligbi nɛ ɔ, hiɔwe matsɛ yemi ɔ na nɔ́ wawɛɛ nitsɛ; nɛ yiwutsotsɛmɛ hlaa kaa a maa ngɔ pani nya.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Mateo 13:24

Yesu bu mɛ abɛ kpa ko hu ke, “Hiɔwe matsɛ yemi ɔ ngɛ kaa kikɛ nɛ ɔ. Nyumu ko du wu kpakpa ngɛ e ngmɔ mi.

Mateo 13:47

“Hiɔwe matsɛ yemi ɔ ngɛ kaa kikɛ nɛ ɔ hulɔ. Wo hɛli komɛ fɔ ya ngɛ wo mi, nɛ a gbe lo slɔɔtohi babauu.

Mateo 13:9

Nyagbe ɔ, Yesu de ke, “Nɔ nɛ ngɛ tue ɔ, e nu.”

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Mateo 3:2

“Nyɛ tsake nyɛ tsui, ejakaa hiɔwe matsɛ yemi ɔ su si ta.”

Mateo 6:10

O Matsɛ yemi ɔ nɛ ba; a pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Luka 15:10

I ngɛ nyɛ dee ke, jã nɔuu lɛ Mawu bɔfohi ma nya, ke yayami peelɔ kake tsake e tsui ɔ.”

Luka 15:7

I ngɛ nyɛ dee ke, jã nɔuu lɛ bua jɔmi maa ba hiɔwe, ke yayami peelɔ kake tsake e tsui, pe dali nyingmi nɛɛ kɛ nɛɛ kɛ se, nɛ mɛɛ tsui tsakemi he hia we mɛ.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Luka 3:23

Benɛ Yesu je e ní tsumi sisi ɔ, e ye maa pee jeha nyingmi etɛ, nɛ bɔ nɛ nihi susuɔ ji e tsɛ ji Yosef, Heli bi ɔ,

Luka 5:32

I bɛ dali tsɛmi; mohu ɔ, i ba nɛ ma ba tsɛ yayami peeli, konɛ a tsake a tsui.”

Luka 9:2

Kɛkɛ nɛ e tsɔ mɛ ke a ho nɛ a ya fiɛ Mawu matsɛ yemi ɔ he munyu ɔ, nɛ a tsa hiɔtsɛmɛ.

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Hebribi 6:1

Lɔ ɔ he ɔ, nyɛ ha wa si sisije níhi nɛ kɔɔ Kristo he ɔ, nɛ waa ya wa hɛ mi kɛ tsɔɔmi nɛ sa nihi nɛ wa ngɛ hemi kɛ yemi ɔ mi. Sisije níhi nɛ wa tsɔɔ nyɛ ɔ, e hia we kaa wa pa hi lɔ ɔmɛ tsɔɔe kpamisa. Wa de nyɛ ke je mi bami yaya nɛ he be se nami ɔ, nyɛɛ ngmɛɛ he, konɛ nyɛ he Mawu nyɛɛ ye.