Mateo 4:15 - BAIBLO ALOO NGMAMI KLƆUKLƆU Ɔ

¹⁵ “Zebulun zugba, kɛ Naftali zugba nɛ ngɛ wo nya blɔ ngɛ Yordan pa a se! Galilea, ma je li a zugba!

Somi He Ɔ

¹⁵ “Zebulon zugba a kɛ Naftali zugba a nɛ ngɛ wo nya blɔ ɔ, ngɛ Yordan se ɔ, majemajali a Galilea a,

Mateo 4:15 ပူးပေါင်းရင်းမြစ်များ

Yesaya 9:1

He ko he ko be nɛ a maa gu kɛ je haomi nɛ ɔ mi. Zebulun kɛ Naftali wɛtso ɔmɛ a zugba nɛ be ko mi a pue e hɛ mi si ɔ, hwɔɔ se ɔ, a maa wo e hɛ mi nyami ngɛ zugba nɛ ɔmɛ tsuo a nɔ: kɛ je Mediterenia wo ɔ beleku je kɛ yaa su Yordan pa a se, kɛ yaa su Galilea nitsɛ, he nɛ nibwɔhi hii ɔ.

Yoshua 21:32

A ná ma etɛ ngɛ Naftali zugba a mi. Ma amɛ ji wesa he ma Kedesh nɛ ngɛ Galilea a, Hamot Dor, Kartan, kɛ a he lohwe lɛmi zugbahi.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ I, 9:11

Tiro matsɛ, Hiram ji nɔ nɛ ha Salomo seda, sɛsɛo, kɛ sika tsu tsuo nɛ hia lɛ kɛ ha ní tsumi ɔ. Benɛ a gbe ní tsumi ɔ nya a, Matsɛ Salomo ha Hiram ma nyingmi enyɔ ngɛ Galilea zugba a nɔ.

Yoshua 20:7

Lɔ ɔ he ɔ, ngɛ Yordan pa a bonyoku je ɔ, mahi nɛ a hla kaa wesa hehi ji nɛ ɔmɛ nɛ: Kedesh ngɛ Galilea, ngɛ Naftali yo ɔ nɔ; Shekem ngɛ Efraim yo ɔ nɔ, kɛ Kiriat Arba ngɛ Yuda yo ɔ nɔ. Kiriat Arba biɛ kpa ji Hebron.

Mateo 4:13

E je Nazaret kɛ ba hi Kapernaum, wo nya ma a nɛ ngɛ Zebulun kɛ Naftali kpokpa a nɔ ɔ.

Mateo 4:14

A pee enɛ ɔ, konɛ nɔ́ nɛ gbalɔ Yesaya de to ɔ nɛ ba mi ke,

Mateo 4:25

Nihi babauu je Galilea, Ma Nyɔngma amɛ, Yerusalem, Yudea, kɛ mahi nɛ ngɛ Yordan pa a se ba nyɛɛ Yesu se.

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.