Mateo 3:6 - BAIBLO ALOO NGMAMI KLƆUKLƆU Ɔ

⁶ A ba jaje a he yayamihi, nɛ e sɔle mɛ ngɛ Yordan pa a mi.

Somi He Ɔ

⁶ nɛ e baptisi mɛ ngɛ Yordan mi benɛ a ngɛ a he yayami ɔmɛ jajee ɔ.

Mateo 3:6 ပူးပေါင်းရင်းမြစ်များ

Ezra 10:1

Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Daniel 9:4

I fa kue ha Yawɛ, ye Mawu ɔ, nɛ i jaje ye ma a he yayami. I de ke, “Nyɔmtsɛ Mawu, o kle agbo, nɛ o he ngɛ gbeye. O yeɔ o siwo nɔ, nɛ o naa nihi nɛ suɔ mo, nɛ yeɔ o mlaa amɛ a nɔ ɔ mɔbɔ.

Mose III, 16:21

É ngɔ e nine enyɔ ɔmɛ tsuo ngɔ pue akpakpo ɔ yi mi, nɛ e jaje kaa Israel bi ɔmɛ pee yayami, a tɔ mlaa, nɛ a gbo tue. Aaron nɛ ngɔ yayami nɛ ɔmɛ ngɔ pue akpakpo ɔ nɔ. Lɔ ɔ se ɔ, e ngɔ akpakpo ɔ kɛ ha nɔ ko nɛ a hla kɛ to, nɛ e fie lɛ kɛ ho nga nɔ ya, nɛ e ya ngmɛɛ e he ngɛ lejɛ ɔ.

Mose III, 26:40

“Se nyɛ nina maa jaje a he yayami ɔmɛ, kɛ a nɛmɛ a he yayami kaa a pee yi wu tso níhi kɛ si mi, nɛ jehanɛ a ya nɔ tsɔ ye hɛ mi atuã;

Mose IV, 5:7

e jaje yayami nɛ e pee ɔ, nɛ e to e yayami ɔ nane mi sisiisi. Jehanɛ, e ngɔ nane mi tomi nɔ́ ɔ mi dlami enuɔ mi kake kɛ bɔ he ha nɔ nɛ nɔ nɛ e tɔ ɔ.

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Marko 1:5

Nihi babauu je Yudea kpokpa a nɔ, kɛ Yerusalem ma a mi kɛ ba nga a nɔ ba bu Yohane tue. A jaje a he yayami ɔmɛ, nɛ a sɔle mɛ ngɛ Yordan pa a mi.

Luka 1:16

nɛ e ma ha nɛ Israel bi babauu maa kpale kɛ ba Nyɔmtsɛ, a Mawu ɔ ngɔ.

Luka 3:16

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Ni Tsumi 1:5

Yohane ngɔ nyu kɛ sɔle nihi, se nyɛɛ lɛɛ e be kɛe nɛ a kɛ Mumi Klɔuklɔu ɔ maa sɔle nyɛ.”

Ni Tsumi 11:16

Kɛkɛ nɛ i kai kaa Nyɔmtsɛ ɔ tu munyu nɛ ɔ ke, ‘Yohane ɔ, nyu e kɛ sɔle ni ɔmɛ, se nyɛɛ lɛɛ Mawu maa ngɔ Mumi Klɔuklɔu kɛ sɔle nyɛ.’

Ni Tsumi 19:18

Nihi nɛ he ye ɔ, a ti nihi babauu hu ba, nɛ ní yayamihi nɛ a pee ɔ, a ba jaje paa ngɛ ma a hɛ mi.

Ni Tsumi 22:16

Mɛni he je nɛ o ngɛ tsle toe? Tee si nɛ o ha a sɔle mo ngɛ Nyɔmtsɛ ɔ biɛ mi, nɛ o kpa Mawu pɛɛ nɛ e ngɔ o he yayami kɛ pa mo.’

1 Korintobi 10:2

Benɛ a ngɛ bɔku ɔ sisi, kɛ wo ɔ mi ɔ, a sɔle mɛ kaa Mose se nyɛɛli.

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

Hebribi 6:2

Níhi nɛ wa tsɔɔ nyɛ nɛ kɔɔ nɔ sɔlemi, nine nɛ a kɛ pueɔ nɔ nɔ, gbogboehi a si temi, kɛ nyagbe kojomi he ɔ, e hia we kaa waa hi lɔ ɔmɛ tsɔɔe kpamisa.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.