Mateo 3:16 - BAIBLO ALOO NGMAMI KLƆUKLƆU Ɔ

¹⁶ Benɛ a sɔle Yesu ɔ, e je kpo amlɔ kɛ je pa a mi. A bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo nɛ ma e nɔ mami.

Somi He Ɔ

¹⁶ Nɛ benɛ e baptisi Yesu ɔ, e je kpo amlɔ kɛ je nyu ɔ mi nɛ oʼɛ, a bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo kɛ ma e nɔ.

Mateo 3:16 ပူးပေါင်းရင်းမြစ်များ

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Marko 1:10

Benɛ Yesu je kpo kɛ je nyu ɔ mi nɔuu pɛ kɛkɛ nɛ e na nɛ hiɔwe nya bli, nɛ Mumi ɔ ngɛ si kplee kaa lahuɛ kɛ ma e nɔ.

Yohane 1:51

Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Ni Tsumi 7:56

Kɛkɛ nɛ e de ke, “Nyɛɛ hyɛ, i na hiɔwe nya nɛ bli nɛ Nɔmlɔ Bi ɔ daa si ngɛ Mawu hiɔ nɔ!”

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.