Mateo 3:15 - BAIBLO ALOO NGMAMI KLƆUKLƆU Ɔ

¹⁵ Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

Somi He Ɔ

¹⁵ Se Yesu he nɔ nɛ e de lɛ ke: “Moo kplɛɛ kɛkɛ, se kikɛmɛ a blɔ nɔ a maa gu kɛ pee Mawu suɔmi nya ni.” Kɛkɛ nɛ Yohane kplɛɛ ha lɛ.

Mateo 3:15 ပူးပေါင်းရင်းမြစ်များ

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Mateo 3:14

Jinɛ Yohane ka lɛ blɔ tsimi; e de Yesu ke, “Imi mohu nɛ e hia kaa o sɔle mi ɔ, nɛ moo o ma ye ngɔ nɛ ɔ?”

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Yohane 13:15

Imi lɛɛ i pee enɛ ɔ nɛ nyɛɛ hyɛ, nɛ nyɛ hu nyɛ pee ha nyɛ sibi.

Yohane 15:10

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yohane 8:29

Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

1 Yohane 2:6

Nɔ nɛ deɔ ke e ngɛ Mawu mi ɔ, e ba e je mi kaa bɔ nɛ Yesu Kristo ba e je mi ɔ.