Mateo 3:12 - BAIBLO ALOO NGMAMI KLƆUKLƆU Ɔ

¹² E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Somi He Ɔ

¹² Nɔ nɛ hɛɛ e nɔ mi sami tsimi ngɛ e dɛ, nɛ e maa bɛɛ e zugba a nɔ fitsofitso nɛ e ma bua ngma a nya ngɔ to e gba mi; se tsakati ɔ, e kɛ la nɛ gbo we maa sa.”

Mateo 3:12 ပူးပေါင်းရင်းမြစ်များ

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 13:30

Nyɛ ha ngma a, kɛ hu ɔ tsuo nɛ wa kɛ yaa si ngma kpami be ɔ. Ke ngma kpami be ɔ su ɔ, ma de ní tsuli ɔmɛ ke a bua hu ɔ nya kekle nɛ a fi, konɛ a sã. Lɔ ɔ se loko ma ha nɛ a bua ngma a nya kɛ wo ye gba a mi.’ ”

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Yeremia 51:2

Ma ha nɛ he nyɛli ma ba sa Babilonia zugba a yi kɛ kpe; a ma kpata zugba a hɛ mi pɛsɛpɛsɛ. Babilonia zugba a maa pee falifali kaa zugba nɛ kɔɔhiɔ muɔ jakati ngɛ nɔ kɛ ho; nɔ́ ko nɔ́ ko be piɛe ngɛ nɔ.

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

La 1:4

Se yayami peeli lɛɛ pi ja nɛ a ngɛ; mɛɛ a ngɛ kaa jakati nɛ kɔɔhiɔ muɔɔ kɛ yaa.

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Yeremia 15:7

I ngɔ nɔ́ mi sami nɔ́ kɛ sa nyɛ mi ngɛ ma amɛ tsuo a mi ngɛ zugba a nɔ. I kpata nyɛ, ye ma a hɛ mi; i gbe nyɛ bimɛ ɔmɛ, ejakaa nyɛ kpa we nyɛ ní yayami ɔmɛ peemi.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yesaya 30:24

Nahi kɛ tejihi nɛ tsuɔ ní ngɛ nyɛ ngmɔ ɔmɛ a nɔ ɔ, a ma na niye ní kpakpa; nga nɛ a je blɔ poo nɛ a kɛ ngo futu lɛ nɛ a maa ye.

Yesaya 17:13

Je ma amɛ hia kɛ ma kaa wo oslɔke; se Mawu ku a nya la, nɛ a kpale a se kɛ yaa kaa bunyuku nɛ ngɛ tee puu ngɛ yoku he, loo kaa dwɔmi nɛ ahumi ngɔ kɛ yaa.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Yesaya 1:31

Nihi nɛ a he wa a, a he yayami ɔmɛ ma kpata mɛ nitsɛmɛ a hɛ mi kaa bɔ nɛ la nɛ sɛ sulii sãã nga a. Nɔ́ nɛ ɔ, nɔ ko nɔ ko be nyɛe maa tsi nya.

La 35:5

Ha nɛ a pee kaa tsakati ngɛ kɔɔhiɔ nya. Ha nɛ Yawɛ bɔfo ɔ nɛ fie mɛ kɛ ho.

Hiob 21:18

Anɛ Mawu muɔ yayami peeli kɛ ho hyɛ kaa bɔ nɛ kɔɔhiɔ muɔɔ bunyuku, aloo bɔ nɛ ahumi muɔɔ tsakati kɛ yaa a lo?

Mateo 13:43

Se Mawu ma a lɛɛ, a ma kpɛ kaa pu ngɛ a Tsɛ ɔ hiɔwe matsɛ yemi ɔ mi. Nɔ nɛ ngɛ tue ɔ, e nu!

Amos 9:9

“Ma fa he nyɛli ɔmɛ, nɛ ma ha nɛ a ma hoso Israel bi ɔmɛ, nɛ a maa sa a mi ngɛ je ma amɛ a kpɛti kaa bɔ nɛ a kɛ sɔnguɛ saa blɛfo mi nɛ kake po nɔɛ si ngɛ zugba a.

Hosea 13:3

Lɔ ɔ he ɔ, ma ha nɛ a hɛ mi ma kpata si kake too, nɛ a be mɛ nae hu, kaa mɔtu bɔku, loo bɔ́, loo jakati nɛ kɔɔhiɔ muɔ kɛ je ngma mi sami he, loo la su ku nɛ je la su ku tɔ mi.

Yeremia 4:11

Be ma nɛ a ma de Yerusalem bi ɔmɛ ke ahlabata kɔɔhiɔ ko maa hia kɛ je nga kplanaa a nɔ kɛ ba a ngɔ; pi kɔɔhiɔ hɛlii nɛ maa muɔ jakati kɛ ho kɛkɛ.

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Yesaya 27:4

Ye wai ngmɔ ɔ he mi mi la ko be ye mi hu. Ke kaa miohi, kɛ mio pu kɛkɛ nɛ i kɛ gba ta a, jinɛ ma ya mɛ a he la, nɛ ma sã mɛ tsuo.

Mateo 13:42

A ma sake mɛ kɛ fɔ flɔɔnɔɔ kɛ e mi la hɛuu ɔ mi; nɛ lejɛ ɔ a maa wo yana, nɛ a ma kpe lungu nya.

Luka 3:16

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Yesaya 28:28

Ngma nɛ a kɛ sãã abolo ɔ, a fɛ we mi. Nɔ́ nɛ ngma mi salɔ ɔ peeɔ ji e kɛ ngma mi sami nɔ́ hii ngma a mi sae hluu kɛ ya siɔ e naa ngma a bɔ nɛ sa pɛpɛɛpɛ.