Mateo 3:11 - BAIBLO ALOO NGMAMI KLƆUKLƆU Ɔ

¹¹ Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Somi He Ɔ

¹¹ Imi lɛɛ nyu i kɛ ngɛ nyɛ baptisie ha tsui tsakemi, se nɔ nɛ ma ngɛ ye se ɔ he wa pe mi, e tokotahi tete i sɛ́ nɔ nɛ hɛo; lɛ e kɛ Mumi Klɔuklɔu kɛ la maa baptisi nyɛ.

Mateo 3:11 ပူးပေါင်းရင်းမြစ်များ

Yesaya 4:4

Nyɔmtsɛ ɔ kɛ e he wami maa kojo Zion biyi ɔmɛ, nɛ e maa tsu ma a he. E ma fɔ mu níhi, kɛ muɔ nɛ pue si ngɛ Yerusalem ɔ tsuo.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

Marko 1:4

Yohane nɔ sɔlelɔ ɔ ba ngɛ fiɛe nɛ e ngɛ nihi sɔlee ngɛ nga a nɔ. E ngɛ fiɛe ke, “Nyɛɛ kpale kɛ je nyɛ yayami ɔmɛ a he, nɛ́ a sɔle nyɛ konɛ Mawu nɛ ngɔ nyɛ he yayami ɔmɛ kɛ pa nyɛ.”

Luka 1:17

E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Luka 3:16

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Luka 3:3

Lɔ ɔ he ɔ, Yohane kpa Yordan kpokpa a nɔ tsuo, nɛ e fiɛ ke, “Nyɛ tsake nyɛ tsui, nɛ a sɔle nyɛ, konɛ Mawu nɛ ngɔ nyɛ he yayami ɔmɛ kɛ pa nyɛ.”

Yohane 1:15

Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Yohane 1:30

Nɔmlɔ nɛ ɔ he nɛ i de ngɛ ke, ‘Nɔ ko ma ngɛ ye se, se e pe mi, ejakaa e ngɛ loko i ngɛ’ ɔ nɛ.

Ni Tsumi 1:5

Yohane ngɔ nyu kɛ sɔle nihi, se nyɛɛ lɛɛ e be kɛe nɛ a kɛ Mumi Klɔuklɔu ɔ maa sɔle nyɛ.”

Ni Tsumi 19:4

Paulo ya nɔ ke, “Yohane tsɔɔ kaa nihi nɛ tsake a tsui loko a sɔle mɛ. Nɛ e de Israel ma a ke, ‘Nyɛ he nɔ nɛ ma ngɛ ye se ɔ nyɛɛ ye. Lɛ ji Yesu ɔ nɛ.’ ”

Ni Tsumi 8:36

Benɛ a ngɛ blɔ ɔ nɔ kɛ yaa a, a ya su he ko nɛ nyu ngɛ; kɛkɛ nɛ sɔmɔlɔ nɔkɔtɔma a de ke, “O nɛ nyu; mɛni maa tsi ye sɔlemi nya?” [

Ni Tsumi 8:38

Kɛkɛ nɛ sɔmɔlɔ nɔkɔtɔma a fa nɛ zugba lɛ ɔ da si. E kɛ Filipo tsuo kple si, nɛ a ho nyu ɔ mi ya; nɛ Filipo sɔle lɛ.

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”