Mateo 3:1 - BAIBLO ALOO NGMAMI KLƆUKLƆU Ɔ

¹ Jamɛ a be ɔ mi ɔ, Yohane nɔ sɔlelɔ ɔ ba Yudea nga a nɔ, ba bɔni fiɛmi ke,

Somi He Ɔ

¹ Jamɛ a be ɔmɛ a mi ɔ, Yohane, Baptisilɔ ɔ, ba ba fiɛ ngɛ Yudea nga a nɔ,

Mateo 3:1 ပူးပေါင်းရင်းမြစ်များ

Matsɛmɛ I, 2:34

Kɛkɛ nɛ Yehoyada binyumu Benaya ya sɛ Yawɛ bo tsu ɔ mi, nɛ e fia Yoab nɔ́ nɛ e gbe, nɛ e ya pu lɛ ngɛ e we mi ngɛ nga a nɔ.

Mateo 11:11

Niinɛ, i ngɛ nyɛ dee ke Yohane nɔ sɔlelɔ ɔ, nɔmlɔ adesa ko hí si hyɛ nɛ pe lɛ. Se kɛ̃ ɔ, nɔ nɛ ji nyafii pe kulaa ngɛ hiɔwe matsɛ yemi ɔ mi ɔ pe Yohane.

Mateo 11:7

Benɛ Yohane kaseli ɔmɛ yaa a, Yesu tu Yohane he munyu kɛ tsɔɔ ma kpekpemi ɔ ke, “Mɛni nyɛ ho nga a nɔ ya nɛ nyɛ yaa hyɛ? Ngɔwu nɛ kɔɔhiɔ ngɛ lɛ mimiɛe lo?

Mateo 16:14

A he nɔ ke, “Ni komɛ ke Yohane nɔ sɔlelɔ ɔ; ni komɛ ke Eliya, nɛ ni kpa komɛ deɔ ke Yeremia, aloo gbali ɔmɛ a ti nɔ kake.”

Mateo 21:32

Ejakaa Yohane ba nyɛ ngɔ, nɛ e ba tsɔɔ nyɛ blɔ kpakpa nɛ nyɛɛ nyɛɛ nɔ, nɛ nyɛ he we lɛ yi; se tó tsuli ɔmɛ, kɛ ajuama amɛ he lɛ ye. Pee se benɛ nyɛ ná le ɔ hu, nyɛ pia we nyɛ he tete, konɛ nyɛ he lɛ nyɛɛ ye.”

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Marko 1:15

E ke, “Be ɔ su; Mawu matsɛ yemi ɔ ná nyɛ haa! Nyɛɛ kpale kɛ je nyɛ he yayami ɔmɛ a he, nɛ nyɛ he sane kpakpa a nyɛɛ ye.”

Marko 1:2

Sane ɔ je sisi kaa bɔ nɛ gbalɔ Yesaya ngma a ke, “Mawu ke, ‘Ma tsɔ ye tsɔlɔ kɛ sɛ o hlami nɛ e ya dla o blɔ ɔ ngɔ to mo.’

Luka 1:76

“Nɛ mo, ye bi, a ma tsɛ mo Hiɔwe No ɔ gbalɔ. O maa sɛ Nyɔmtsɛ ɔ hlami, nɛ o ma dla e blɔ ɔ kɛ to lɛ.

Luka 7:24

Benɛ Yohane tsɔli ɔmɛ je ɔ, Yesu bɔni Yohane he munyu tumi ha nimli kpekpemi ɔ. E bi mɛ ke, “Benɛ nyɛ ho nga a nɔ ya a mɛni nyɛ hyɛ blɔ kaa nyɛ maa na? Ngɔwu nɛ kɔɔhiɔ ngɛ lɛ mimiɛe lo?

Yoshua 14:10

Se nyɛɛ hyɛ, jeha nyingmi eywiɛ kɛ enuɔ sɔuu ji nɛ ɔ nɛ Yawɛ kɛ Mose tu munyu nɛ ɔ. Jamɛ a be ɔ mi nɛ Israel bi ɔmɛ ngɛ nga a nɔ nyɛɛe ɔ nɛ. Nɛ, kaa bɔ nɛ Yawɛ wo si ɔ, e baa ye yi kɛ ba si mwɔnɛ nɛ ɔ. Nyɛɛ hyɛ mi ha! Amlɔ nɛ ɔ, i ye jeha nyingmi kpaanyɔ kɛ enuɔ,

Manyadali 1:16

Mose ngatsɛ, Ken no ɔ nina nɛ ji Ken bi ɔmɛ, kɛ Yuda bi ɔmɛ je Yeriko, tã ma a mi kɛ ba Yuda nga a nɔ, ngɛ Arad leneyi je, nɛ a kɛ Amalek bi ɔmɛ ba hi si ngɛ lejɛ ɔ.