Mateo 28:7 - BAIBLO ALOO NGMAMI KLƆUKLƆU Ɔ

⁷ Nyɛɛ ya esɔesɔ nɛ nyɛ ya de e kaseli ɔmɛ ke, ‘E te si kɛ je gbeje, nɛ e sɛ nyɛ hlami kɛ yaa Galilea. Lejɛ ɔ nyɛ maa na lɛ ngɛ!’ Nyɛ kai nɔ́ nɛ i de nyɛ ɔ oo!”

Somi He Ɔ

⁷ Nɛ nyɛɛ ya esɔ esɔ nɛ nyɛ ya de e kaseli ɔmɛ ke e te si kɛ je gbeje; nɛ oʼɛ, e ngɛ nyɛ hlami sɛe kɛ yaa Galilea; lejɛ ɔ nyɛ maa na lɛ ngɛ; oʼɛ; i de nyɛ.”

Mateo 28:7 ပူးပေါင်းရင်းမြစ်များ

Mateo 26:32

Se ke a tle mi si kɛ ba wami mi ekohu ɔ, ma sɛ nyɛ hlami kɛ maa ya Galilea.”

Mateo 28:10

Yesu de mɛ ke, “Nyɛ ko ye gbeye! Nyɛɛ ya nɛ nyɛ ya de ye nyɛmimɛ ɔmɛ nɛ ji ye kaseli ɔmɛ ke a ya Galilea, nɛ a maa na mi ngɛ lejɛ ɔ.”

Yohane 16:4

Se i ngɛ nyɛ ní nɛ ɔmɛ dee, konɛ ke be ɔ su ɔ, nyɛ kai kaa i wo nɔ ta de nyɛ. “Sisije ɔ, i de we nyɛ ní nɛ ɔmɛ, ejakaa i kɛ nyɛ ngɛ.

1 Korintobi 15:4

Ngmami ɔmɛ ke a pu lɛ, nɛ ligbi nɛ ji ligbi etɛ ɔ, a tle lɛ si kɛ ba wami mi ekohu.

Yohane 14:29

I ngɛ nyɛ ní nɛ ɔmɛ dee ngɔ to loko a ba mi, bɔ nɛ pee nɛ ke a ba mi ɔ, nyɛ he ye.

Luka 24:34

Mɛ tsuo a de ni enyɔ ɔmɛ ke, “Nyɔmtsɛ ɔ te si niinɛ! E je e he kpo tsɔɔ Simon!”

Marko 16:13

A kpale a se kɛ ho nɛ a ya de ni nɛmɛ nɛ piɛ ɔ; se a he we mɛ yi.

Marko 16:10

Maria ho nɛ e ya sɛɛ ha Yesu huɛmɛ ɔmɛ. E ya na mɛ nɛ a wo yana nɛ a ngɛ awe nyae.

Marko 14:28

Se ke a tle mi si kɛ ba wami mi ekohu ɔ, ma sɛ nyɛ hlami kɛ ya Galilea.”

Mateo 24:25

Hyɛ, i ngɛ nyɛ enɛ ɔ dee loko be ɔ nɛ su.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Yesaya 44:8

Ye ma, koo nu sawale! Koo ye gbeye! Ye we odase ji mo. Anɛ i de we enɛ ɔ blema lokoo lo? Anɛ ye se ɔ, Mawu ko pa ngɛ lo? Dɛbi, i li he wami kpa ko ngɛ ye se hu?”

1 Korintobi 15:6

Jehanɛ, e jé e he kpo ngɔ tsɔɔ e se nyɛɛli maa pee lafa enuɔ kɛ se si kake. Nimli nɛ ɔmɛ a ti ni babauu ngɛ kɛ ba si mwɔnɛ ɔ, se ni komɛ hu gbo.

Mateo 28:8

Lɔ ɔ he ɔ, a je yɔkɔ ɔ he esɔesɔ kɛ gbeye, kɛ bua jɔmi babauu; nɛ a tu fo kɛ ho, konɛ a ya sɛɛ ha Yesu kaseli ɔmɛ.