Mateo 28:4 - BAIBLO ALOO NGMAMI KLƆUKLƆU Ɔ

⁴ Gbeye nu ta buli ɔmɛ nɛ ngɛ bue ɔ, nɛ a he do blibliibli, nɛ a pee kaa ni gbogboehi.

Somi He Ɔ

⁴ Gbeye nɛ nu buli ɔmɛ he je ɔ, a he do blibliibli nɛ a plɛ kaa ni gbogboehi.

Mateo 28:4 ပူးပေါင်းရင်းမြစ်များ

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Daniel 10:7

Imi nɔ kake too lɛ i na nina nɛ ɔ nɛ. Nyumuhi nɛ piɛ ye he ɔ, mɛɛ a nɛ nina nɛ ɔ, se kɛ̃ ɔ, a tsui po nɛ a tu fo ya laa a he,

Ni Tsumi 16:29

Pamitsɛmɛ a nɔ hyɛlɔ ɔ de kɛ ngmlaa ke a ba ha lɛ kane; nɛ e sa fo kɛ sɛ tsu ɔ mi, nɛ e ya kpla si ngɛ Paulo kɛ Sila a nane nya kɛ he domi blibliibli.

Mateo 28:11

Benɛ yi ɔmɛ ngɛ blɔ ɔ nɔ kɛ yaa a, ta buli nɛ ngɛ yɔkɔ ɔ he bue ɔ, a ti ni komɛ kpale a se kɛ ba ma a mi, nɛ a ba bɔ osɔfo nikɔtɔma amɛ bɔ nɛ níhi ya nɔ ha.

La 48:6

A he do blibliibli, nɛ a he hia mɛ ngɛ lejɛ ɔ kaa yo nɛ nu kɔɔmi.

Hiob 4:14

I ye gbeye, nɛ i kpokpo, nɛ ye kpɔhi a nya tsuo do blibliibli.

Mateo 28:3

E hɛ mi ngɛ kpɛe kaa oslabai la, nɛ e tade ɔ hu hiɛ futafuta kaa kalo.

Mateo 28:5

Bɔfo ɔ de yi ɔmɛ ke, “Nyɛ ko ye gbeye. I le kaa nyɛ ngɛ Yesu nɛ a sɛu ɔ hlae.