Mateo 28:2 - BAIBLO ALOO NGMAMI KLƆUKLƆU Ɔ

² Tlukaa a, zugba mimiɛ wawɛɛ; Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya, nɛ e hi nɔ.

Somi He Ɔ

² Nɛ oʼɛ, zugba mimiɛ wawɛɛ, ejakaa Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya kɛ ya se, nɛ e ho hi nɔ.

Mateo 28:2 ပူးပေါင်းရင်းမြစ်များ

Ni Tsumi 16:26

Tlukaa a, zugba mimiɛ wawɛɛ, nɛ tsu ɔ, kɛ e sisi tomi ɔ tsuo mimiɛ. Amlɔ ɔ, sinya amɛ tsuo bli, nɛ kɔsɔkɔsɔ ɔmɛ kplɔ ngɛ pamitsɛmɛ ɔmɛ a he.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Yohane 20:1

Otsi ɔ we kekleekle ligbi ɔ makɛ mla, benɛ je mi tsɔ we lolo ɔ, Maria Magdalena ba yɔkɔ ɔ he, nɛ e na kaa a je tɛ ɔ kɛ je yɔkɔ ɔ nya.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Mateo 27:60

nɛ e ngɔ lɛ ya fɔ lɛ nitsɛ e yɔkɔ he nɛ e ha a kpɛ ngɛ tɛ sa mi ɔ mi. Lɔ ɔ se ɔ, e kpɛne tɛ agbo kɛ tsi yɔkɔ ɔ nya, nɛ e je.

Mateo 27:66

Lɔ ɔ he ɔ, a pue nɔ kɛ ho nɛ a ya sɔu yɔkɔ ɔ nya. Nɛ a ha ta buli ɔmɛ bu he.

Ni Tsumi 5:19

Se nyɔ mi ɔ, Nyɔmtsɛ ɔ bɔfo ba bli tsu ɔ nya sinya amɛ, nɛ e je mɛ; nɛ e de mɛ ke,