Mateo 27:64 - BAIBLO ALOO NGMAMI KLƆUKLƆU Ɔ

⁶⁴ Lɔ ɔ he ɔ, fa nɛ a ya bu yɔkɔ ɔ he saminya kɛ maa su ligbi nɛ ji etɛ ɔ. Ke pi jã a, e kaseli ɔmɛ ma ba ju lɛ kɛ ho, nɛ a ma ya de ma a ke e te si kɛ je gbeje. Kɛkɛ ɔ, nyagbe sisimi nɛ ɔ ma ba puɛ ní kulaa pe kekle nɔ́ ɔ.”

Somi He Ɔ

⁶⁴ Lɔ ɔ he ɔ fã nɛ a ya bu yɔkɔ ɔ he saminya kɛ maa su ligbi nɛ ji ligbi etɛ ɔ, konɛ e kaseli ɔmɛ ko ba ju lɛ kɛ ho, nɛ a ya de ma a ke: ‘E te si kɛ je gbeje;’ nɛ sekpɛ sisimi ɔ ba pee yayami pe kekle nɔ ɔ.”

Mateo 27:64 ပူးပေါင်းရင်းမြစ်များ

Mateo 28:13

nɛ a de mɛ ke, “Nyɛ de ke, nyɔ mi benɛ wa hwɔ mahe ɔ, e kaseli ɔmɛ ba nɛ a ba ju lɛ kɛ ho.

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Mateo 27:65

Pilato de mɛ ke, “Hyɛ, ta buli ji nɛ ɔmɛ nɛ! Nyɛɛ ya nɛ nyɛ ya bu yɔkɔ ɔ he bɔ nɛ nyɛ ma nyɛ.”

1 Tesalonikabi 2:3

Lɔ ɔ he ɔ, nyɛ maa na kaa munyu nɛ wa kɛ ba fɔ nyɛ hɛ mi ɔ, pi mu ní tsumi, loo juɛmi yayami mi nɛ e je; wa bɛ nɛ wa ba sisi nyɛ.