Mateo 27:62 - BAIBLO ALOO NGMAMI KLƆUKLƆU Ɔ

⁶² E nɔ jena Hejɔɔmi ligbi ɔ, osɔfo nikɔtɔma amɛ, kɛ Farisi bi ɔmɛ a nya ba bua ngɛ Pilato ngɔ.

Somi He Ɔ

⁶² Se hedlami-kɛ-tomi ligbi ɔ nɔ je na a, osɔfo nikɔtɔma amɛ kɛ Farisifo ɔmɛ a nya ba bua ngɛ Pilato ngɔ,

Mateo 27:62 ပူးပေါင်းရင်းမြစ်များ

Marko 15:42

He dlami ligbi nɛ nyɛɛ Hejɔɔmi ligbi ɔ hɛ mi ji jamɛ a ligbi ɔ nɛ. Gbɔkuɛ ɔ, Yosef nɛ je Arimatia pee kã nɛ e ya Pilato ngɔ ya bi lɛ Yesu gbogboe ɔ. Yosef nɛ ɔ, kpe ngua a mi no nɛ a buu saminya ji lɛ, nɛ lɛ nitsɛ hu e ngɛ Mawu matsɛ yemi ɔ blɔ hyɛe.

Yohane 19:14

Jamɛ a ligbi ɔ nɛ a dlaa he kɛ toɔ Hetsɔmi ɔ nɛ; nɛ maa pee piani ngmlɛ nyɔngma kɛ enyɔ ɔ, Pilato de ma a ke, “Ne nyɛ matsɛ ɔ!”

Yohane 19:42

Lɔ ɔ he ɔ, a ya to Yesu gbogboe ɔ ngɛ lejɛ ɔ, ejakaa yɔkɔ ɔ he kɛ we, nɛ jehanɛ ɔ hu, jamɛ a ligbi ɔ nɛ a dlaa he kɛ haa Hejɔɔmi ligbi ɔ nɛ.

Yohane 19:31

Enɛ ɔ se ɔ, Yuda ma nimeli ɔmɛ ya na Pilato kaa e ngmɛ mɛ blɔ nɛ a ku nihi nɛ a gbe ɔ a nanehi, nɛ a je mɛ kɛ je sɛumi tso ɔ nɔ. Jamɛ a ligbi ɔ nɛ a dlaa he kɛ haa Hetsɔmi ɔ, lɔ ɔ he ɔ, a sume nɛ gbogboe ɔmɛ nɛ a hi sɛumi tso nɔ kɛ yaa si Hejɔɔmi ligbi ɔ, ejakaa Hejɔɔmi ligbi nguaa nitsɛ lɛ ngɛ a hɛ mi.

Mateo 26:17

Abolokplolo nyami be ɔ we kekleekle ligbi ɔ, kaseli ɔmɛ ba Yesu ngɔ ba bi lɛ ke, “Jije o suɔ kaa wa ya dla ha mo nɛ o ye Hetsɔmi ɔ ngɛ?”