Mateo 27:56 - BAIBLO ALOO NGMAMI KLƆUKLƆU Ɔ

⁵⁶ A kpɛti ni komɛ ji Maria Magdalena, kɛ Maria, Yakobo kɛ Yosef a nyɛ ɔ, kɛ Zebedeo bimɛ ɔmɛ a nyɛ ɔ.

Somi He Ɔ

⁵⁶ a kpɛti ni komɛ ji Maria Magdalena, kɛ Maria nɛ ji Yakobo kɛ Yose nyɛ ɔ, kɛ Zebedeo bimɛ ɔmɛ a nyɛ ɔ.

Mateo 27:56 ပူးပေါင်းရင်းမြစ်များ

Mateo 13:55

Anɛ pi kapitɛ ɔ bi ɔ ji nɛ ɔ? Anɛ pi e nyɛ nɛ a tsɛɛ Maria a? Pi e nyɛminyumuhi ji Yakobo, Yosef, Simon, kɛ Yuda a?

Mateo 27:61

Maria Magdalena, kɛ Maria kake ɔ hu hii si ngɛ yɔkɔ ɔ he ngɛ lejɛ ɔ.

Mateo 28:1

Hejɔɔmi ligbi ɔ se, kɛ yaa otsi ɔ kekleekle ligbi ɔ makɛ ɔ, Maria Magdalena, kɛ Maria kake ɔ ho, konɛ a ya slaa yɔkɔ ɔ.

Marko 15:47

Maria Magdalena, kɛ Maria, Yose nyɛ ɔ daa si nɛ a ngɛ hyɛe he nɛ a to Yesu gbogboe ɔ ngɛ ɔ.

Marko 16:9

[Hɔgba mɔtu mla a nɛ Yesu te si kɛ je gbeje se ɔ, e je e he kpo tsɔɔ Maria Magdalena kekle. Maria nɛ ɔ ji yo nɛ Yesu hia mumi yayami kpaago kɛ je e mi be ko ɔ nɛ.

Luka 24:10

Maria Magdalena, kɛ Yohana, kɛ Yakobo nyɛ Maria, kɛ yi kpa komɛ nɛ piɛ a he ɔ ji nihi nɛ ba sɛɛ ní nɛ ɔmɛ ngɔ ha bɔfo ɔmɛ ɔ nɛ.

Luka 8:2

kɛ yi komɛ hu nɛ e hia mumi yayamihi ngɛ a mi, nɛ e tsa a hiɔhi ha mɛ. Mɛ ji Maria (nɛ a tsɛɛ lɛ Magdalena), nɔ nɛ a hia mumi yayami kpaago ngɛ e mi ɔ,

Yohane 19:25

Yesu nyɛ, kɛ e nyɛ ɔ nyɛmiyo Maria, Klopa yo ɔ, kɛ Maria Magdalena daa si ngɛ Yesu sɛumi tso ɔ kasa nya.

Yohane 20:1

Otsi ɔ we kekleekle ligbi ɔ makɛ mla, benɛ je mi tsɔ we lolo ɔ, Maria Magdalena ba yɔkɔ ɔ he, nɛ e na kaa a je tɛ ɔ kɛ je yɔkɔ ɔ nya.

Yohane 20:18

Maria Magdalena ya nɛ e ya sɛɛ ha kaseli ɔmɛ ke e na Nyɔmtsɛ ɔ, nɛ e bɔ mɛ níhi tsuo nɛ Yesu de lɛ ɔ.