Mateo 27:54 - BAIBLO ALOO NGMAMI KLƆUKLƆU Ɔ

⁵⁴ Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Somi He Ɔ

⁵⁴ Se benɛ aslaafohi lafa a nyatsɛ ɔ kɛ nihi nɛ kɛ lɛ ngɛ Yesu he bue ɔ, na zugba mimiɛmi ɔ kɛ nihi nɛ a pee ɔ, a ye gbeye wawɛɛ, nɛ a ke: “Niinɛ, Mawu bi ji nɛ ɔ nɛ!”

Mateo 27:54 ပူးပေါင်းရင်းမြစ်များ

Marko 15:39

Benɛ asafoatsɛ ɔ nɛ daa si ngɛ Yesu hanɔ ɔ na bɔ nɛ e plɛ kɛ gbo ɔ, e de ke, “Niinɛ, nɔmlɔ nɛ ɔ, Mawu Bi ji lɛ!”

Mateo 27:36

Lɔ ɔ se ɔ, a hi si ngɛ lejɛ ɔ, nɛ a bu e he.

Mateo 27:43

E ngɔ e hɛ ngɔ fɔ Mawu nɔ, nɛ e deɔ ke Mawu Bi ji lɛ. Saminya! Ke Mawu ngɛ e he tsui ɔ, e je lɛ kɛ je tso ɔ nɔ koo!”

Ni Tsumi 27:43

Se asafoatsɛ ɔ to e yi mi kaa e ma he Paulo yi wami, lɔ ɔ he ɔ, e tsi a nya, nɛ a gbi nɔ ko. Mohu ɔ, e fa ke nihi tsuo nɛ le silemi ɔ, mɛ kekle a tu ngɔ pue wo ɔ mi, nɛ a sile kɛ ya nu kpo;

Ni Tsumi 27:1

Benɛ a ma nya si kaa wa ma wo lɛ kɛ ya Italia a, a ngɔ Paulo kɛ pamitsɛmɛ kpa komɛ hu ngɔ wo Roma asafoatsɛ ko nɛ a tsɛɛ lɛ Yulio ɔ dɛ. Asafoatsɛ nɛ ɔ, “Roma matsɛ tabo” ɔ mi no ji lɛ.

Ni Tsumi 23:23

Jehanɛ asafoatsɛngua a tsɛ asafoatsɛmɛ ɔmɛ a ti ni enyɔ kɛ ba e ngɔ, nɛ e de mɛ ke, “Nyɛ hla ta buli lafa enyɔ, okpɔngɔ ta buli nyingmi kpaago, kɛ akplɔ hɛɛli hu lafa enyɔ, nɛ a pee klaalo. Mwɔnɛ ɔ gbɔkuɛ ngmlɛ nɛɛ mi ɔ, a maa je hiɛ ɔ kɛ ya Kaisarea.

Ni Tsumi 21:32

Amlɔ nɔuu ɔ, e ngɔ ta buli, kɛ asafoatsɛmɛ kɛ piɛ e he kɛ fo kɛ je mɔ ɔ mi kɛ ba na basabasa peeli ɔmɛ. Benɛ ni ɔmɛ na asafoatsɛngua a, kɛ ta buli ɔmɛ ɔ, a jɔɔ Paulo kongomi.

Mateo 8:5

Benɛ Yesu ba Kapernaum ɔ, Roma asafoatsɛ ko ba e ngɔ ba kpa lɛ pɛɛ,

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Romabi 1:4

Se a tle lɛ si kɛ je gbeje ngɛ Mawu mumi ɔ he wami nya kɛ tsɔɔ kaa Mawu Bi ji lɛ; nɛ e ngɛ klɔuklɔu.

Ni Tsumi 23:17

Kɛkɛ nɛ Paulo tsɛ asafoatsɛmɛ ɔmɛ a ti nɔ kake, nɛ e de lɛ ke, “Ngɔɔ niheyo nɛ ɔ kɛ ya asafoatsɛngua a ngɔ; e hɛɛ sɛ gbi ko kɛ ha lɛ.”

Ni Tsumi 10:1

Nyumu ko ngɛ Kaisarea nɛ a tsɛɛ lɛ Kornelio. Kornelio nɛ ɔ, Roma tabo ɔ nɛ a tsɛɛ Italia tabo ɔ we asafoatsɛ ji lɛ.

Ni Tsumi 2:37

Benɛ ni ɔmɛ nu munyu nɛ ɔ, e hao mɛ wawɛɛ, nɛ a bi Petro kɛ bɔfo kpa amɛ nɛ piɛ e he ɔ ke, “Wa nyɛmimɛ, kɛ wa maa pee kɛɛ?”

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”

Luka 22:70

Kɛkɛ nɛ mɛ tsuo a bi lɛ ke, “Lɛɛ tse Mawu bi ji mo?” E he nɔ ke, “Ja nyɛ de ɔ nɛ.”

Mateo 27:40

“Mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ! He mo nitsɛ o yi wami koo! Ke mo ji Mawu Bi ɔ, jee sɛumi tso ɔ nɔ kɛ kple si!”

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,