Mateo 27:52 - BAIBLO ALOO NGMAMI KLƆUKLƆU Ɔ

⁵² nɛ yɔkɔhi a nya bli. Kɛkɛ nɛ Mawu bimɛ babauu nɛ gbo ɔ, a tle mɛ si kɛ ba wami mi ekohu.

Somi He Ɔ

⁵² nɛ yɔkɔhi a nya bli, nɛ klɔuklɔubihi nɛ hwɔ mahɛ ɔmɛ a nɔmlɔ tsohi fuu te si;

Mateo 27:52 ပူးပေါင်းရင်းမြစ်များ

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

1 Tesalonikabi 4:14

Wa heɔ yeɔ kaa Yesu gbo, nɛ e te si ekohu. Jã kɛ̃, wa heɔ yeɔ kaa ke Yesu ma a, Mawu maa ngɔ nihi nɛ gbo ɔ ngɔ piɛ e he kɛ ba.

1 Korintobi 15:20

Se anɔkuale ɔ ji kaa Mawu tle Kristo si kɛ je gbeje nɛ e kɛ ye odase kaa e ma tle ni nɛmɛ nɛ gbo ɔ tsuo si.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

1 Tesalonikabi 5:10

Kristo ba gbo ha wɔ, bɔ nɛ pee nɛ wa hɛ ngɛ jio, wa gbo jio, waa kɛ lɛ nɛ hi si.

1 Korintobi 15:51

Nyɛɛ bu tue! Anɔkuale laami sane nɛ i ngɛ nyɛ dee nɛ ɔ nɛ. Wɔ tsuo wa be gboe! Se ke nyagbe titimati ɔ pɛ ɔ, a ma tsake wɔ tsuo amlɔ kaa a fiaa hɛngmɛ. Ejakaa ke titimati ɔ pɛ ɔ, ni gbogboe ɔmɛ maa te si, nɛ a be gboe hu gblegbleegble. Nɛ a ma tsake wɔ tsuo.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

1 Korintobi 11:30

Enɛ ɔ he nɛ nyɛ ti nihi fuu gbɔjɔ, nɛ a be he wami, nɛ nihi babauu hu gbo ɔ nɛ.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Matsɛmɛ II, 13:21

Ligbi ko, benɛ a yaa nɛ a ya pu nyumu ko ɔ, a na ojo fiali a kuu nɛ ɔ nɛ ma. Kɛkɛ nɛ a sake gbogboe ɔ ngɔ fɔ Elisha yɔkɔ ɔ mi. Benɛ gbogboe ɔ he ya sa Elisha wuhi a he pɛ, nɔ ɔ hɛ tsɛ, nɛ e te da si.

Yohane 11:11

Yesu de kɛ gbe nya ke, “Wa huɛ Lazaro hwɔ mahe, se i yaa nɛ ma ya tsɛ̃ɛ̃ lɛ.”