Mateo 27:51 - BAIBLO ALOO NGMAMI KLƆUKLƆU Ɔ

⁵¹ Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Somi He Ɔ

⁵¹ Nɛ oʼɛ, sɔlemi tsu ɔ mi pomi bo ɔ mi gba enyɔ kɛ je hiɔwe kɛ ba ma si, nɛ zugba mimiɛ, nɛ tɛ sahi a mi gba;

Mateo 27:51 ပူးပေါင်းရင်းမြစ်များ

Marko 15:38

Sɔlemi we ɔ mi pomi bo ɔ mi gba kɛ je hiɔwe ba ma si.

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

Luka 23:45

Nɛ sɔlemi we ɔ mi pomi bo ɔ mi gba enyɔ.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Mateo 28:2

Tlukaa a, zugba mimiɛ wawɛɛ; Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya, nɛ e hi nɔ.

Yesaya 25:7

Haomi nɛ ba je ma amɛ a nɔ kaa nɔ́ nɛ bo lɛ a kɛ ha a nɔ ɔ, Mawu ma ha nɛ lɛ tsuo se maa po ngɛ yo nɛ ɔ nɔ.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Hebribi 9:3

A tsɛɛ tsu mi pomi bo enyɔne ɔ se bo tsu ɔ he klɔuklɔu pe kulaa.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Kronika II, 3:14

A kɛ kpa bluu, kpa he jua wawɛ nɛ hɛɛ alamua tu su, kpa tsu, kɛ kploba kpɛ tsu mi pomi bo nɛ a lo kerubhi kɛ wo mi ha he klɔuklɔu pe kulaa a.

Mose III, 21:23

Se akɛnɛ kpa ngɛ e he he je ɔ, e ko hɛ lɛ kɛ su tsu mi pomi bo ɔ, loo bɔ sami la tɛ ɔ he. E ko ba ble ní klɔuklɔu nɛ ɔmɛ. Imi ji Yawɛ; imi nɛ i peeɔ mɛ klɔuklɔu ɔ nɛ.”

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

La 18:15

Yawɛ, benɛ o ké o he nyɛli ɔmɛ a yi, nɛ o kɛ abofu wo gbi ɔ, nyu dɔ ɔmɛ je kpo, nɛ je ɔ sisi tomi ɔmɛ fɔɔ si paa.

La 18:7

Kɛkɛ nɛ zugba mimiɛ, nɛ yo ɔmɛ a sisi tomi ɔmɛ hɛ mɛ kɛ je a blɔ hehi, nɛ a mimiɛ, ejakaa Yawɛ mi mi fu.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose II, 40:21

Lɔ ɔ se ɔ, e kɛ daka a ba ma kpe he bo tsu ɔ mi, nɛ e kɛ tsu mi pomi bo ɔ kpla si, nɛ e kɛ tsi somi daka a nɛ mlaa amɛ ngɛ mi ɔ hɛ mi kaa bɔ nɛ Yawɛ fa lɛ, Mose ɔ.

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”