Mateo 27:5 - BAIBLO ALOO NGMAMI KLƆUKLƆU Ɔ

⁵ Yuda ya sake sika a ngɔ pue sɔlemi we ɔ mi, nɛ e ho ya wo e kuɛ kpa.

Somi He Ɔ

⁵ Nɛ e ya sake sika a ngɔ pue si ngɛ sɔlemi we ɔ, nɛ e pue nɔ kɛ ho nɛ e ya wo e kuɛ kpa.

Mateo 27:5 ပူးပေါင်းရင်းမြစ်များ

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Luka 1:21

Be nɛ ɔ mi tsuo ɔ, ma a ngɛ Zakaria blɔe, nɛ a hɛ mi pee mɛ yaa kaa e ya kɛ ngɛ sɔlemi we ɔ.

Luka 1:9

Osɔfo ɔmɛ peeɔ kusumi kɛ fɔɔ sɔ, nɛ a kɛ hlaa a ti nɔ nɛ maa sã tsopa kɛ e he via ngɛ bɔ sami la tɛ ɔ nɔ. Sɔ ɔ ya nɔ Zakaria nɔ, nɛ lɔ ɔ he e ho Nyɔmtsɛ ɔ sɔlemi we ɔ ya a nɛ.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Hiob 7:15

I na nɛ a mia ye kuɔ si nɛ i gbo mohu, pe nɔ́ nɛ ma hi je mi wuhiwuhi kikɛ nɛ ɔ.

Hiob 2:9

Jehanɛ, e yo ɔ de lɛ ke, “Tse o ngɛ anɔkuale ɔ yee kɛ mwɔɔ! Gbiɛ Mawu, nɛ o gbo!”

Matsɛmɛ I, 16:18

Benɛ Zimri na kaa a ngɔ ma a, e ho ya sɛ mɔ ɔ nɛ ngɛ matsɛ we ɔ mi. E mɛ matsɛ we ɔ he la, nɛ la a sã lɛ nɛ e gbo.

Manyadali 9:54

Kɛkɛ nɛ e tsɛ niheyo ɔ nɛ hɛɛ e ta hwumi ní ɔmɛ esɔesɔ, nɛ e de lɛ ke, “Moo hia o klaate ɔ nɛ o kɛ gbe mi, nɛ a ko ba de ngɛ ye he ke, ‘Yo kpamakpa nɛ gbe lɛ.’ ” Nɛ niheyo ɔ gbɔ lɛ klaate ɔ nɛ e gbo.

Mateo 26:61

nɛ a ba de ke, “Nyumu nɛ ɔ de ke, ‘Ma nyɛ ma ku Mawu sɔlemi we ɔ pue si, nɛ ligbi etɛ se ɔ, ma fia ekohu.’ ”

Mateo 27:6

Osɔfo nikɔtɔma amɛ ya kukuɔ sika a, nɛ a de ke, “Muɔ sika ji nɛ ɔ nɛ; wa mlaa a ngmɛ́ blɔ kaa a kɛ toɔ sɔlemi we ɔ nito he ɔ.”