Mateo 27:46 - BAIBLO ALOO NGMAMI KLƆUKLƆU Ɔ

⁴⁶ Ngmlɛ etɛ mi ɔ, Yesu kpa ngmlaa wawɛɛ ke, “Eli, Eli, lama sabaktani?” E sisi ji, “Ye Mawu, ye Mawu, mɛni he je o kua mi?”

Somi He Ɔ

⁴⁶ Se ngmlɛ etɛ mi ɔ, Yesu kpa ngmlaa kɛ gbi wawɛɛ ke: “Eli, Eli, lama sabaktani?” E sisi ji: “Ye Mawu, ye Mawu, mɛni he je o kua mi?”

Mateo 27:46 ပူးပေါင်းရင်းမြစ်များ

La 22:1

Ye Mawu, ye Mawu, mɛni he je o kua mi? Mɛni he je i ngɛ awe nyae nɛ o daa si ngɛ se, nɛ o bɛ nɛ o ba je ngmlaa ha mi ɔ?

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Marko 15:34

Ngmlɛ etɛ mi ɔ, Yesu kpa ngmlaa wawɛɛ ke, “Eloi, Eloi, lama sabaktani?” E sisi ji, “Ye Mawu, ye Mawu, mɛni he je nɛ o kua mi?”

La 71:11

a deɔ ke, “Mawu je e se; waa fie lɛ nɛ waa nu lɛ, ejakaa nɔ ko nɔ ko be nɛ ma kpɔ lɛ ngɛ wa dɛ.”

Luka 23:46

Kɛkɛ nɛ Yesu kpa ngmlaa wawɛɛ ke, “Tsaatsɛ, i tu ye mumi ɔ kɛ wo o dɛ mi!” Nɛ e de kikɛ ɔ, kɛkɛ nɛ e ma nya.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Mateo 27:47

Nihi nɛ daa si ngɛ lejɛ ɔ, a kpɛti ni komɛ nu, nɛ a de ke, “Eliya nyumu nɛ ɔ ngɛ tsɛe ɔ nɛ.”