Mateo 27:43 - BAIBLO ALOO NGMAMI KLƆUKLƆU Ɔ

⁴³ E ngɔ e hɛ ngɔ fɔ Mawu nɔ, nɛ e deɔ ke Mawu Bi ji lɛ. Saminya! Ke Mawu ngɛ e he tsui ɔ, e je lɛ kɛ je tso ɔ nɔ koo!”

Somi He Ɔ

⁴³ E ke Mawu nɔ e hɛ ngɛ: Ha nɛ e je lɛ koo, ke e ngɛ e he tsui ɔ; ejakaa e de ke: ‘Mawu bi ji mi.’ ”

Mateo 27:43 ပူးပေါင်းရင်းမြစ်များ

La 14:6

Ke yayami peeli ha nɛ ohiatsɛmɛ a yi mi tomi pee basaa a, a ma ya sa we ngɛ Yawɛ ngɔ kɛ̃.

La 22:8

A deɔ ke, “Tse e ke e ngɔ e hɛ kɛ fɔ Yawɛ nɔ? Yawɛ nɛ he e yi wami koo? Ke Yawɛ suɔ lɛ ɔ, mɛni he je e ba píɛ we e he?”

La 3:2

Nɔ́ nɛ a ngɛ dee ji, “Oo, Mawu be e he piɛe fɛɛ!”

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

La 71:11

a deɔ ke, “Mawu je e se; waa fie lɛ nɛ waa nu lɛ, ejakaa nɔ ko nɔ ko be nɛ ma kpɔ lɛ ngɛ wa dɛ.”

Yesaya 36:15

Nyɛ ko ha nɛ Hezekia munyu nɛ e tu ke nyɛɛ ngɔ nyɛ hɛ ngɔ fɔ Yawɛ nɔ ɔ nɛ ngɔ nyɛ nya. Nyɛ ko susu kaa Yawɛ ma he nyɛ yi wami, nɛ e be hae nɛ Asiria matsɛ ɔ nɛ ngɔ nyɛ ma a.

Yesaya 36:18

Nyɛ ko ha nɛ Hezekia nɛ mlɔɔ nyɛ ke Yawɛ ma he nyɛ yi wami. Anɛ je ma amɛ a mawu ɔmɛ eko nyɛ kpɔ e zugba kɛ je Asiria matsɛ ɔ dɛ mi hyɛ lo?

Yesaya 37:10

Bɔ nɛ e ngma ngɛ womi ɔ mi ji nɛ ɔ nɛ: “Ko ha nɛ o Mawu ɔ nɛ o ngɔ o hɛ ngɔ fɔ e nɔ ɔ nɛ mlɔɔ mo ke i be nyɛe ma ngɔ Yerusalem.

Mateo 27:40

“Mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ! He mo nitsɛ o yi wami koo! Ke mo ji Mawu Bi ɔ, jee sɛumi tso ɔ nɔ kɛ kple si!”

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Luka 23:35

Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”

Luka 23:37

nɛ a de lɛ ke, “Ke mo ji Yuda bi ɔmɛ a matsɛ ɔ, he mo nitsɛ o yi wami koo!”

Yohane 10:30

I kɛ Tsɛ ɔ ni kake ji wɔ.”

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”