Mateo 27:40 - BAIBLO ALOO NGMAMI KLƆUKLƆU Ɔ

⁴⁰ “Mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ! He mo nitsɛ o yi wami koo! Ke mo ji Mawu Bi ɔ, jee sɛumi tso ɔ nɔ kɛ kple si!”

Somi He Ɔ

⁴⁰ nɛ a ke: “Mo nɛ o kuɔ sɔlemi we ɔ nɛ o kpaleɔ fia ligbi etɛ ɔ, he mo nitsɛ o yi wami! Ke Mawu bi ji mo ɔ, jee seumi tso ɔ nɔ kple si koo!”

Mateo 27:40 ပူးပေါင်းရင်းမြစ်များ

Mateo 16:4

Mwɔnɛmwɔnɛ yi nɔ bi yayami nɛ li Mawu! Nyɛ bi ke ma pee nyakpɛ nɔ́ ko ha nyɛ, pi jã? Dɛbi! Okadi pɛ nɛ a ma ha nyɛ ji Yona nɔ́ ɔ.” Kɛkɛ nɛ Yesu je a he, nɛ e pue nɔ kɛ ho.

Mateo 26:61

nɛ a ba de ke, “Nyumu nɛ ɔ de ke, ‘Ma nyɛ ma ku Mawu sɔlemi we ɔ pue si, nɛ ligbi etɛ se ɔ, ma fia ekohu.’ ”

Mateo 27:41

Osɔfo nikɔtɔma amɛ, mlaa tsɔɔli ɔmɛ, kɛ ma nimeli ɔmɛ hu ye e he fɛu ja nɔuu ke,

Mateo 27:42

“E he ni kpahi a yi wami, se lɛ nitsɛ e nɔ́ lɛɛ e nyɛ we nɛ e he! Pi lɛ nɛ e ke lɛ ji Israel matsɛ ɔ! Jehanɛ ɔ lɛɛ é kple si kɛ je sɛumi tso ɔ nɔ koo, kɛkɛ wa ma he ye!

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Mateo 4:6

nɛ e de lɛ ke, “Ke Mawu Bi ji mo ɔ, hlu kɛ ya ma zugba, ejakaa ngmami ɔ ke, ‘Mawu ma ha nɛ e bɔfo ɔmɛ maa bu o he. A maa hɛɛ mo ngɛ a dɛ mi, nɛ o nane tete po be tɛ sie.’ ”

Luka 16:31

Se Abraham de lɛ ke, ‘Ke a bui Mose kɛ gbali ɔmɛ tue ɔ, lɔ ɔ lɛɛ ke nɔ ko te si kɛ je gbeje tete po, a yi mi be plɛe.’ ”

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.