Mateo 27:4 - BAIBLO ALOO NGMAMI KLƆUKLƆU Ɔ

⁴ E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Somi He Ɔ

⁴ nɛ e ke: “I pee yayami kaa i tsɔɔ muɔ nɛ yayami ko be e he ɔ se blɔ.” Se mɛ lɛɛ a ke: “Lɔ ɔ pi wa he sane ko; mo nitsɛ hyɛ nɔ!”

Mateo 27:4 ပူးပေါင်းရင်းမြစ်များ

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

La 94:21

A soɔ dali a yi nɔ, nɛ nihi nɛ pee we nɔ́ ko ɔ, a buu mɛ gbenɔ fɔ.

Mose II, 12:31

Nɛ nyɔ ɔ mi nɔuu ɔ, Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Nyɛɛ te si nɛ nyɛɛ je ye ma mi bi ɔmɛ a kpɛti, nyɛɛ kɛ Israel ma a tsuo, nɛ nyɛ ya ja Yawɛ kaa bɔ nɛ nyɛ de ɔ.

Mose II, 9:27

Kɛkɛ nɛ Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Jehanɛ lɛɛ i pee yayami; Yawɛ nɔ́ da, se i kɛ ye ma a, wa tɔ̃.

Abɛ Womi 12:8

Ke o ngɛ juɛmi ɔ, a ma je o yi. Se ke o biɛ lɛɛ a maa gbe o he guɛ.

Yeremia 26:15

Se nyɛ na nɛ nyɛɛ le ɔ kaa ke nyɛ gbe mi ɔ, nyɛ pue nɔ nɛ pee we nɔ́ ko ɔ muɔ si, nɛ musu maa tloo nyɛɛ kɛ ma nɛ ɔ, kɛ ma mi bi ɔmɛ tsuo. Ejakaa Yawɛ nitsɛ lɛ tsɔ mi nyɛ ngɔ ke ma ba tu munyu nɛ ɔmɛ tsuo kɛ tsɔɔ nyɛ.”

Yona 1:14

Lɔ ɔ he ɔ, a kpa huhui nɛ a de Yawɛ ke, “Yawɛ lee, wa ngɛ mo pɛɛ kpae, ko ha wa hɛ mi nɛ kpata ngɛ nyumu nɛ ɔ wami he, nɛ ko ha waa gbe nɔ ko nɛ yi fɔ, ejakaa wɔɔ lɛɛ wa li he nɔ́ ko! Ejakaa mo Yawɛ lɛɛ nɔ́ nɛ sa o hɛ mi nɛ o peeɔ.”

Mateo 27:19

Benɛ Pilato hii si ngɛ kojomi sɛ ɔ nɔ ɔ, e yo tsɔ nɔ kɛ sɛ gbi ba de lɛ ke, “Hyɛ, koo pee dalɔ nɛ ɔ yayami ko oo! Ejakaa i nla nlami basabasa ngɛ e he nyɔ nɛ ɔ mi, nɛ i hao wawɛɛ.”

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Luka 23:22

Pilato bi mɛ si etɛne ɔ ke, “Se mɛni yayami nɛ e pee? I nɛ nɔ́ ko nɛ e pee nɛ sa kaa a gbe lɛ. Lɔ ɔ he ɔ, ma ha nɛ a fia lɛ kpa, nɛ ma ngmɛɛ e he.”

Luka 23:41

Wɔɔ lɛɛ wa nɔ́ ɔ sa wɔ; ejakaa níhi nɛ wa pee ɔ, a he hiɔwo nɛ wa na a nɛ. Se nyumu nɛ ɔ lɛɛ e pee we nɔ́ ko nɛ sɛ.”

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”

Ni Tsumi 13:28

A nɛ́ sane ko ngɛ e he nɛ sa kaa a da nɔ kɛ bu lɛ gbenɔ fɔ lɛɛ, se kɛ̃ ɔ, a kpa Pilato pɛɛ ke e ha nɛ a gbe lɛ.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

1 Timoteo 4:2

A maa pee a he lakpatsɛmɛ, kɛ nɔ sisili nɛ a he nile gbo pɛsɛpɛsɛ.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Samuel I, 15:24

Saul de Samuel ke, “Niinɛ, i pee yayami; ejakaa i bui Yawɛ fami ɔ, kɛ mo hu o munyu ɔmɛ tue. I ya ye ma a gbeye, nɛ i bu mɛ tue.

Samuel I, 15:30

Saul de ke, “I pee yayami; se kɛ̃, moo wo ye hɛ mi nyami ngɛ ye ma nimeli, kɛ Israel tsuo a hɛ mi, nɛ o kɛ mi nɛ ya nɛ ma ya ja Yawɛ, o Mawu ɔ.”

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”