Mateo 27:32 - BAIBLO ALOO NGMAMI KLƆUKLƆU Ɔ

³² Benɛ a je ma a mi kɛ yaa a, a na nyumu ko nɛ je Kirene ma a mi, nɛ a tsɛɛ lɛ Simon. Ta buli ɔmɛ nyɛ e nɔ ke e wo Yesu sɛumi tso ɔ.

Somi He Ɔ

³² Se benɛ a yaa a, a na nyumu Kireneno ko nɛ a tsɛɛ lɛ Simon, nɛ a nyɛ e nɔ ke e wo e sɛumi tso ɔ.

Mateo 27:32 ပူးပေါင်းရင်းမြစ်များ

Marko 15:21

Simon, Kirene no nɛ ji Aleksandro kɛ Rufo a tsɛ ɔ je ngmɔ si kɛ bee jamɛ a be ɔ mi. Ta buli ɔmɛ nyɛ nyumu nɛ ɔ nɔ ke e wo Yesu sɛumi tso ɔ.

Luka 23:26

Benɛ Roma ta buli ɔmɛ ngɔ Yesu kɛ yaa a, a kɛ Kirene no ko kpe nɛ je ngmɔ si kɛ ma ma a mi. E biɛ ji Simon. A nu lɛ, nɛ a wo sɛumi tso ɔ ngɔ tloo lɛ, nɛ e kɛ nyɛɛ Yesu se.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Ni Tsumi 6:9

Kɛkɛ nɛ Kirene kɛ Aleksandria bi komɛ nɛ je kpe he nɛ a tsɛɛ “Nihi nɛ ye a he” ɔ te si wo Stefano. Yuda bi komɛ hu nɛ je Kilikia, kɛ Asia a, ba piɛ nimli nɛ ɔmɛ a he, nɛ a kɛ lɛ sã nya.

Ni Tsumi 2:10

ni komɛ je Frigia, kɛ Pamfilia; nɛ ni komɛ hu je Egipt, kɛ Libia kpokpa amɛ a nɔ ngɛ Kirene kasa nya. Wa ti ni komɛ je Roma.

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

Ni Tsumi 11:20

Se a ti ni komɛ nɛ je Kipro kɛ Kirene lɛɛ a pue nɔ kɛ ho Antiokia ya ya fiɛ sane kpakpa a nɛ kɔɔ Nyɔmtsɛ Yesu he ɔ kɛ tsɔɔ Hela bi hulɔ.

Yohane 19:17

nɛ lɛ nitsɛ e tloo e sɛumi tso ɔ kɛ je ma a mi kɛ ya he nɛ a tsɛɛ “Yikoklodonya”, nɛ Hebri mi ɔ a tsɛɛ lɛ “Golgata” a.

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Mose III, 4:12

é ngɔ lɛ tsuo kɛ je ma sito he ɔ kɛ ya he ko nɛ tsɔ, he nɛ a plɛɔ la zu ngɔ pueɔ ɔ. É ngɔ mɛ kɛ pue lɛ́ nɔ nɛ e sã ngɛ lejɛ ɔ.

Matsɛmɛ I, 21:10

Nyɛ ha yaka nimli enyɔ nɛ a da e hɛ mi paa nɛ a ye odase ngɔ si lɛ ke e jɛ Mawu, kɛ matsɛ ɔ. Lɔ ɔ se ɔ, nyɛɛ ngɔ lɛ kɛ je ma a mi, nɛ nyɛ ya fia lɛ tɛ nɛ nyɛɛ gbe.”

Mose III, 4:21

Lɔ ɔ se ɔ, é ngɔ na ku nɛ ɔ hu kɛ je ma sito he ɔ, nɛ é ya sã lɛ kaa bɔ nɛ a tsɔɔ kaa a pee kaketsɛ ɔ. Enɛ ɔ ji yayami pami bɔ kɛ ha ma a tsuo.

Mose III, 4:3

Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Ni Tsumi 7:58

A tsitsɛɛ e yi se kɛ je ma a mi, nɛ a ya fia lɛ tɛ. Nihi nɛ fia Stefano tɛ ɔ nɛ peeɔ odase ɔ, je a tade ɔmɛ ngɔ ha niheyo ko nɛ a tsɛɛ lɛ Saulo, nɛ e hyɛ nɔ ha mɛ.

Mateo 5:41

Nɛ ke nɔ ko nyɛ o nɔ ke o kɛ lɛ nɛ ya si tomi kake ɔ, o kɛ lɛ nɛ ya si tomi enyɔ.