Mateo 27:31 - BAIBLO ALOO NGMAMI KLƆUKLƆU Ɔ

³¹ Benɛ a ye e he fɛu ta a, a je tade klɔii ɔ ngɛ e he, nɛ a ngɔ lɛ nitsɛ e tade ɔmɛ ngɔ wo lɛ. Nɛ a ngɔ lɛ kɛ ho, konɛ a ya sɛu lɛ.

Somi He Ɔ

³¹ Nɛ benɛ a ye e he fɛu ta a, a je tade klɔii ɔ ngɛ e he, nɛ a ngɔ lɛ nitse e tade ɔmɛ ngɔ wo lɛ, nɛ a kpaka lɛ kɛ ho konɛ a ya sɛu.

Mateo 27:31 ပူးပေါင်းရင်းမြစ်များ

Yesaya 53:7

“A wa lɛ yi mi, nɛ a pi lɛ; se e kpɛ we e kuɔ si! A kpaka lɛ kɛ ho kaa to bi nɛ a yaa gbe. Nɛ bɔ nɛ jijɔ peeɔ kpoo ngɛ e he bwɔmi salɔ hɛ mi ɔ, ja nɔuu e kpɛ we e kuɔ si.

Hebribi 13:12

Jã kɛ̃ Yesu hu na amahehlu ngɛ ma a agbo ɔ se, konɛ e ngɔ lɛ nitsɛ e muɔ ɔ kɛ je ma a he yayami.

Ni Tsumi 7:58

A tsitsɛɛ e yi se kɛ je ma a mi, nɛ a ya fia lɛ tɛ. Nihi nɛ fia Stefano tɛ ɔ nɛ peeɔ odase ɔ, je a tade ɔmɛ ngɔ ha niheyo ko nɛ a tsɛɛ lɛ Saulo, nɛ e hyɛ nɔ ha mɛ.

Mateo 21:39

Kɛkɛ nɛ a nu lɛ, nɛ a tsitsɛɛ e yi se kɛ je wai ngmɔ ɔ mi, nɛ a ya gbe lɛ.

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Matsɛmɛ I, 21:10

Nyɛ ha yaka nimli enyɔ nɛ a da e hɛ mi paa nɛ a ye odase ngɔ si lɛ ke e jɛ Mawu, kɛ matsɛ ɔ. Lɔ ɔ se ɔ, nyɛɛ ngɔ lɛ kɛ je ma a mi, nɛ nyɛ ya fia lɛ tɛ nɛ nyɛɛ gbe.”

Yohane 19:27

Pee se ɔ, e de kaselɔ ɔ ke, “O nyɛ ji nɛ ɔ nɛ!” Kɛ je jamɛ a ligbi ɔ, kaselɔ ɔ ngɔ lɛ kɛ ho lɛ nitsɛ e we mi ya.

Yohane 19:16

Kɛkɛ nɛ Pilato ngɔ Yesu kɛ ha mɛ nɛ a ya sɛu lɛ. A ngɔ Yesu kɛ ho,

Mateo 20:19

nɛ a maa ngɔ lɛ ngɔ ha ma je li ɔmɛ nɛ a ye e he fɛu, nɛ a fia lɛ kplibi, nɛ a sɛu lɛ. Se ligbi etɛ se ɔ, a ma tle lɛ si kɛ ba wami mi ekohu.”

Mose IV, 15:35

Kɛkɛ nɛ Yawɛ de Mose ke, “A gbe nyumu ɔ; ma a tsuo nɛ ya fia lɛ tɛ ngɛ ma sito he ɔ se!”

Mateo 26:2

“Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Marko 15:20

Benɛ a ye e he fɛu se ɔ, a je tade he jua wawɛ tsutsuutsu ɔ ngɛ e he, nɛ a ngɔ lɛ nitsɛ e tade ɔmɛ ngɔ wo lɛ; nɛ a kɛ lɛ ho nɛ a ya sɛu lɛ.