Mateo 27:25 - BAIBLO ALOO NGMAMI KLƆUKLƆU Ɔ

²⁵ Ma kpekpemi ɔ tsuo he nɔ ke, “Ee, wa nu! Tue gblami nɛ maa ba ngɛ nyumu nɛ ɔ gbenɔ se ɔ, e pee waa kɛ wa nina wa nɔ!”

Somi He Ɔ

²⁵ Nɛ ma a tsuo he nɔ ke: “E muɔ nɛ ba waa kɛ wa bimɛ a nɔ!”

Mateo 27:25 ပူးပေါင်းရင်းမြစ်များ

Yoshua 2:19

Nɔ tsuaa nɔ nɛ maa je kpo kɛ je o we ɔ mi, nɛ nɔ́ ko maa pee lɛ ɔ, e gbenɔ ɔ je lɛ nitsɛ e tue gbomi, pi wɔ. Se nɔ tsuaa nɔ nɛ maa hi o ngɔ ngɛ o we ɔ mi ɔ, ke nɔ ko nine ta e he ɔ, e gbenɔ ɔ maa pee wa sane.

Ni Tsumi 5:28

E bi mɛ ke, “Tse wa fia nyɛ tue mi veveeve ke nyɛ ko ngɔ Yesu biɛ kɛ tsɔɔ ní hu? Se nyɛɛ hyɛ nɔ́ nɛ nyɛ pee! Nyɛ ha nɛ nihi tsuo nɛ ngɛ Yerusalem ɔ nu nyumu nɛ ɔ he sane nɛ nyɛ ngɛ hlae nɛ nyɛɛ tsɔɔ kaa wɔ nɛ wa gbe lɛ!”

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Mose V, 19:10

Pee bɔ nɛ i ngɛ mo tsɔɔe nɛ ɔ, konɛ a ko pue nihi a muɔ si yaka, nɛ́ a ko bu mo fɔ kaa o tane nihi a yi yaka ngɛ zugba nɛ Yawɛ ngɔ kɛ ngɛ mo hae ɔ nɔ.

Mose IV, 35:33

Ke nyɛ pee ja a, nyɛ ble zugba a nɛ nyɛ ngɛ nɔ ɔ. Muɔ bleɔ zugba, nɛ kpatami nɔ́ ko be kɛ ha zugba nɛ a pue muɔ si ngɛ nɔ kaa ja nɔ nɛ pue muɔ si ɔ nɔuu e muɔ.

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Samuel II, 1:16

David de Amalek no ɔ ke, “O musu tloo mo; ejakaa mo nitsɛ o kɛ o nya ye odase ke, ‘I gbe nɔmlɔ nɛ Yawɛ pɔ lɛ nu ɔ.’ ”

Mose V, 19:13

Koo na lɛ mɔbɔ kulaa. Koo ngmɛ blɔ nɛ nɔ gbelɔ nɛ ɔ nɛ hi hɛ ngmengmle ngɛ Israel hu; kɛkɛ ɔ, níhi a mi maa hi ha mo.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mateo 21:44

Nɔ tsuaa nɔ nɛ maa nɔ tɛ nɛ ɔ nɔ ɔ, e mi ma tsɔtslɔɔ; se nɔ nɛ tɛ ɔ maa nɔ e nɔ ɔ, e maa gblɛ lɛ mɔnyɔmɔnyɔ.]

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”