Mateo 27:23 - BAIBLO ALOO NGMAMI KLƆUKLƆU Ɔ

²³ Pilato bi ke, “Mɛni yayami e pee?” Se enɛ ɔ ha nɛ a kpa ngmlaa wawɛɛ ke, “Sɛu lɛ!”

Somi He Ɔ

²³ Nɛ amlaalo ɔ bi ke: “Mɛni yayami e pee?” Se enɛ ɔ mohu ha a kpa ngmlaa wawɛɛ ke: “Ha nɛ a sɛu lɛ!”

Mateo 27:23 ပူးပေါင်းရင်းမြစ်များ

Abɛ Womi 16:30

Nihi nɛ muɔɔ nɛ a jeɔ a lungu kpo kɛ tsɔɔ mo, nɛ a hii a hɛngmɛ fiae kɛ ha mo ɔ, ga yayami a ngɛ toe ɔ nɛ. Moo hyɛ mɛ saminya.

Mateo 27:22

Pilato bi mɛ ke, “Lɛɛ mɛni ma pee Yesu nɛ a tsɛɛ lɛ Kristo ɔ he mɔ?” Mɛ tsuo a he nɔ ke, “Sɛu lɛ!”

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Luka 23:4

Jehanɛ ɔ, Pilato de osɔfo nikɔtɔma amɛ, kɛ ma kpekpemi ɔ nɛ ngɛ lejɛ ɔ ke, “I nɛ nɔ́ yayami ko ngɛ nyumu nɛ ɔ he nɛ buɔ lɛ fɔ.”

Ni Tsumi 13:28

A nɛ́ sane ko ngɛ e he nɛ sa kaa a da nɔ kɛ bu lɛ gbenɔ fɔ lɛɛ, se kɛ̃ ɔ, a kpa Pilato pɛɛ ke e ha nɛ a gbe lɛ.

Ni Tsumi 23:10

Benɛ pɛ ɔ mi ba wa a, asafoatsɛngua a ye gbeye kaa eko ɔ, a ma tsɔtslɔɔ Paulo mi. Lɔ ɔ he ɔ, e fa e ta buli ɔmɛ ke a kple si nɛ a ya ngɔ Paulo ngɛ a dɛ pani nya, nɛ a kɛ lɛ nɛ ba mɔ ɔ mi.

Ni Tsumi 7:57

Se kpe ngua a mi bi ɔmɛ kpa ngmlaa wawɛɛ, nɛ a kɛ a nine tsi a tue. A tu kɛ ba yu e nɔ.