Mateo 27:2 - BAIBLO ALOO NGMAMI KLƆUKLƆU Ɔ

² A bɔ lɛ pã, nɛ a ngɔ lɛ ya ha Roma amlaalo ɔ nɛ a tsɛɛ lɛ Pilato ɔ.

Somi He Ɔ

² Nɛ a fi e nine nɛ a kpaka lɛ kɛ ho ya ha amlaalo Pontio Pilato.

Mateo 27:2 ပူးပေါင်းရင်းမြစ်များ

Ni Tsumi 3:13

Wa nɛmɛ Abraham, Isak, kɛ Yakob a Mawu ɔ wo e tsɔlɔ Yesu hɛ mi nyami. Se nyɛɛ lɛɛ nyɛ je lɛ ngɔ ha, nɛ nyɛ kua lɛ ngɛ Pilato hɛ mi, be mi nɛ lɛɛ e pee e juɛmi kaa e maa ngmɛɛ e he ɔ.

Mateo 20:19

nɛ a maa ngɔ lɛ ngɔ ha ma je li ɔmɛ nɛ a ye e he fɛu, nɛ a fia lɛ kplibi, nɛ a sɛu lɛ. Se ligbi etɛ se ɔ, a ma tle lɛ si kɛ ba wami mi ekohu.”

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

Luka 13:1

Jamɛ a be ɔ nɔuu ɔ, ni komɛ ba lejɛ ɔ nɛ a kɛ Yesu ba sɛɛ ní. A de lɛ bɔ nɛ Pilato ha nɛ a gbe Galilea bi ɔmɛ nɛ ya ngɛ bɔ sãe ha Mawu ɔ.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

Ni Tsumi 28:20

Ní nɛ ɔmɛ a he je nɛ i tsɛ nyɛ kɛ ba, konɛ i kɛ nyɛ nɛ sɛɛ ní. Anɔkuale mi ɔ, kɔsɔkɔsɔ nɛ ngɛ ye he nɛ ɔ, nɔ nɛ Israel bi ngɔ a hɛ kɛ fɔ e nɔ ɔ he a wo mi ngɛ.”

Ni Tsumi 24:27

Jeha enyɔ se ɔ, Porkio Festo ba ye Felike nane mi kaa amlaalo. Felike hla kaa e pee nɔ́ nɛ sa Yuda bi ɔmɛ a hɛ mi, lɔ ɔ he ɔ, e tsi Paulo nya ngɛ tsu ɔ mi.

Ni Tsumi 22:29

Benɛ nihi nɛ kɛ lɛ yaa a nu enɛ ɔ, a laa ngɛ lejɛ ɔ amlɔ. Asafoatsɛngua a hu e tsui po; ejakaa e na kaa Paulo ɔ, mamoo Roma no ji lɛ, nɛ e wo lɛ kɔsɔkɔsɔ.

Ni Tsumi 22:25

Se benɛ a fi lɛ nɛ a maa fia lɛ kpa a, Paulo bi asafoatsɛ nɛ daa si ngɛ lejɛ ɔ ke, “Roma no nɛ a kojo we lɛ, nɛ a bui lɛ fɔ ɔ, nyɛ ngɛ he blɔ kaa nyɛ fiaa lɛ kpa?”

Ni Tsumi 21:33

Jehanɛ asafoatsɛngua a hɛ lɛ kɛ su Paulo he, nɛ e pɛtɛ e he, nɛ e fa ke a wo lɛ kɔsɔkɔsɔ enyɔ. Kɛkɛ nɛ e bi ke, “Nyumu nɛ ɔ, mɛnɔ ji lɛ; nɛ mɛni e pee?”

Ni Tsumi 12:6

Nyɔ ɔ mi, loko je maa na nɛ Herode maa ngɔ Petro kɛ ba ma a hɛ mi, konɛ a kojo lɛ ɔ, Petro hwɔɔ si ngɛ ta buli enyɔ a kpɛti. A kɛ kɔsɔkɔsɔ enyɔ bɔ lɛ pã, nɛ buli daa si ngɛ sinya a nya nɛ a ngɛ tsu ɔ he bue.

Ni Tsumi 9:2

nɛ e ya bi nɛ a ha lɛ womi nɛ e kɛ ya Damasko kpe he ɔmɛ, konɛ ke e na Nyɔmtsɛ ɔ se nyɛɛli komɛ ngɛ lejɛ ɔ, nyumuhi jio, yihi jio, e nuu mɛ kɛ ba Yerusalem.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Yohane 18:24

Jehanɛ ɔ, Yesu ngɛ pã a mi, nɛ Hana ha a kɛ lɛ ya ha Kayafa, osɔfo nɔkɔtɔma pe kulaa a.

Yohane 18:12

Kɛkɛ nɛ Roma asafoatsɛ nɔkɔtama a, kɛ e ta buli ɔmɛ, kɛ Yuda ta buli ɔmɛ nu Yesu, nɛ a fi lɛ,

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.

Luka 3:1

Roma matsɛ Tiberio yi nɔ jeha nyɔngma kɛ enuɔne ɔ, Pontio Pilato ngɛ amlaalo yee ngɛ Yudea, nɛ Herode ngɛ amlaalo nɔkɔtɔma yee ngɛ Galilea. Herode nyɛmi Filipo ngɛ amlaalo nɔkɔtɔma yee ngɛ Iturea, kɛ Trakoniti zugba a nɔ, nɛ Lisania ngɛ amlaalo nɔkɔtɔma yee ngɛ Abileene.

Mose I, 22:9

Benɛ a su he nɛ Mawu tsɔɔ Abraham ɔ, Abraham ma bɔ sami la tɛ, nɛ e to lɛ́ ɔ ngɔ pue nɔ. E fi e bi Isak, nɛ e kɛ lɛ fɔ lɛ́ ɔ nɔ ngɛ bɔ sami la tɛ ɔ nɔ.

Mateo 28:14

Nɛ ke Amlaalo ɔ nu he ɔ, wɔ nitsɛmɛ wa maa mlɔɔ e hɛ mi, konɛ nyɛ ko na sane.”

Luka 23:1

Kpe nguaa a mi bi ɔmɛ tsuo te si, nɛ a hɛɛ Yesu mi kɛ ya Pilato ngɔ.

Luka 23:12

Jamɛ a ligbi ɔ nɔuu ɔ, Pilato kɛ Herode nu huɛ; jinɛ sa a, a kɛ a he yi.

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Manyadali 15:12

A de lɛ ke, “Wa ma mo fimi nɛ waa ngɔ mo ya wo Filisti bi ɔmɛ a dɛ mi.” Samson de mɛ ke, “Nyɛ ka mi kita kaa nyɛ nitsɛmɛ nyɛ be mi nɔ́ ko pee.”