Mateo 26:75 - BAIBLO ALOO NGMAMI KLƆUKLƆU Ɔ

⁷⁵ Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Somi He Ɔ

⁷⁵ Nɛ Petro kai Yesu munyu nɛ e tu lɛ ke: “Loko kungwɔ ma kpa nɔ ɔ, o ma kpa ngɛ ye se si etɛ” ɔ. Nɛ e je kpo ya fo ya wawɛɛ.

Mateo 26:75 ပူးပေါင်းရင်းမြစ်များ

Mateo 26:34

Yesu de Petro ke, “Niinɛ, i ngɛ mo dee ke, nyɔ nɛ ɔ mi ɔ, loko kungwɔ ma kpa nɔ́ ɔ, o ma de si etɛ ke o li mi.”

Yohane 13:38

Yesu he nɔ ke, “Ei! O ma gbo ngɛ imi ye he? I ngɛ mo dee anɔkuale mi ke, loko kungwɔ ma kpa nɔ hwɔɔ ɔ, o ma de si etɛ ke o li mi.”

Galatabi 6:1

Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Korintobi 4:7

Mɛnɔ lɛ pee mo slɔɔto pe ni kpahi? Mɛni ngɛ o dɛ nɛ pi Mawu nɛ ha mo? Ke Mawu lɛ ha mo ɔ, lɛɛ mɛni he je mɔ nɛ o fĩaa kaa nɔ́ nɛ pi nɛ a kɛ ke mo ɔ?

Mateo 10:33

Se nɔ tsuaa nɔ nɛ ma kua mi ngɛ nimli a hɛ mi ɔ, imi hu ma kua lɛ ngɛ Tsaatsɛ nɛ ngɛ hiɔwe ɔ hɛ mi.

Mateo 26:74

Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.