Mateo 26:74 - BAIBLO ALOO NGMAMI KLƆUKLƆU Ɔ

⁷⁴ Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Somi He Ɔ

⁷⁴ Kɛkɛ nɛ e bɔni gbiɛmi kɛ kita kami ke: “I li nɔmlɔ ɔ!” Nɛ amlɔ ɔ kungwɔ kpa nɔ.

Mateo 26:74 ပူးပေါင်းရင်းမြစ်များ

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Mateo 26:34

Yesu de Petro ke, “Niinɛ, i ngɛ mo dee ke, nyɔ nɛ ɔ mi ɔ, loko kungwɔ ma kpa nɔ́ ɔ, o ma de si etɛ ke o li mi.”

Mateo 26:73

Be bɔɔ se ɔ, nihi nɛ daa si ngɛ lejɛ ɔ ba Petro ngɔ ba de lɛ ke, “Anɔkuale mi ɔ, ni ɔmɛ a ti nɔ kake ji mo; ejakaa o munyu tumi tete jeɔ mo si!”

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Mateo 27:25

Ma kpekpemi ɔ tsuo he nɔ ke, “Ee, wa nu! Tue gblami nɛ maa ba ngɛ nyumu nɛ ɔ gbenɔ se ɔ, e pee waa kɛ wa nina wa nɔ!”

Marko 14:30

Yesu de lɛ ke, “I ngɛ mo dee anɔkuale mi ke, mwɔnɛ ɔ nyɔ mi kungwɔ be nɔ kpae si enyɔ nɛ o ma de si etɛ ke o li mi.”

Marko 14:68

Se e kplɛɛ we, nɛ e ke, “I li nɔ́ nɛ nyɛ ngɛ dee nɛ ɔ; nɛ i nui sisi tete.” Jehanɛ Petro je lejɛ ɔ kɛ ho agbo ɔ nya ya.

Luka 22:60

Se Petro de lɛ ke, “Awetsɛ, i li nɔ́ nɛ o ngɛ dee ɔ!” Tlukaa a, benɛ e ngɛ munyu ɔ tue kɛ mwɔɔ ɔ, kungwɔ kpa nɔ.

Yohane 18:27

Se loloolo ɔ, Petro kplɛɛ we, kɛkɛ nɛ amlɔ nɔuu kungwɔ kpa nɔ.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Manyadali 17:2

Ligbi ko ɔ, e de e nyɛ ke, “Benɛ a ju o sika hiɔ yi akpe kɛ e nya lafa nɛ o gbiɛ julɔ ɔ, i nu he. O nɛ, jamɛ a sika hiɔ ɔ ngɛ ye dɛ; imi lɛ i ngɔ.” E nyɛ ɔ de lɛ ke, “Ye bi, Yawɛ nɛ gbaa mo!”

Manyadali 21:18

Se wɔɔ lɛɛ wa be nyɛe nɛ waa kɛ wa biyihi ma ha mɛ gba; ejakaa Israel ma a ka kita nɛ a de ke, ‘Nɔ nɛ maa ngɔ yo ko kɛ ha gba ngɛ Benyamin ɔ, a maa gbiɛ lɛ.’ ”