Mateo 26:73 - BAIBLO ALOO NGMAMI KLƆUKLƆU Ɔ

⁷³ Be bɔɔ se ɔ, nihi nɛ daa si ngɛ lejɛ ɔ ba Petro ngɔ ba de lɛ ke, “Anɔkuale mi ɔ, ni ɔmɛ a ti nɔ kake ji mo; ejakaa o munyu tumi tete jeɔ mo si!”

Somi He Ɔ

⁷³ Se pee se bɔɔ ɔ, nihi nɛ daa si ngɛ lejɛ ɔ ba de Petro ke: “Anɔkuale ji kaa, a ti nɔ kake ji mo; ejakaa o munyu tete ngɛ mo si jee!”

Mateo 26:73 ပူးပေါင်းရင်းမြစ်များ

Manyadali 12:6

a ma de lɛ ke e de ke, “Shibolet.” Ke e lilɛ ya dɛ nɔ nɛ e ya de ke, “Sibolet” mohu ɔ, a maa nu lɛ nɛ a maa gbe lɛ ngɛ Yordan pa a pomi he ɔmɛ. Jamɛ a be ɔ mi ɔ, a gbe Efraim bi akpe nyingmi eywiɛ kɛ enyɔ.

Nehemia 13:24

A bimɛ ɔmɛ fa tuɔ Ashdod gbi, loo gbi kpa ko, nɛ a tu we Yuda gbi ɔ.

Mateo 26:72

Petro kplɛɛ we nɔ ekohu, nɛ e de ke, “I na Mawu kaa i li nyumu ɔ!”

Mateo 26:74

Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Marko 14:70

Se Petro kplɛɛ we ekohu. Pee se bɔɔ ɔ, nihi nɛ daa si ngɛ lejɛ ɔ de Petro ekohu ke, “Anɔkuale mi ɔ, a ti nɔ kake ji mo; ejakaa Galilea no ji mo!”

Ni Tsumi 2:7

Mɛ tsuo a nya kpɛ a he, nɛ a hɛ mi pee mɛ yaa. A de ke, “Nihi nɛ ngɛ munyu tue nɛ ɔ tsuo ɔ, Galilea bi ji mɛ!