Mateo 26:67 - BAIBLO ALOO NGMAMI KLƆUKLƆU Ɔ

⁶⁷ Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Somi He Ɔ

⁶⁷ Kɛkɛ nɛ a la lada ngɔ pue e hɛ mi, nɛ a gba lɛ mahi; nɛ ni komɛ hu fia lɛ ni,

Mateo 26:67 ပူးပေါင်းရင်းမြစ်များ

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Mateo 27:30

A su lada ngɔ pue e nɔ, nɛ a he tso ɔ ngɛ e dɛ nɛ a kɛ fia e yi mi.

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Mateo 5:39

Se imi lɛɛ i ngɛ nyɛ dee ke ke nɔ ko pee nyɛ yayami ɔ, nyɛ ko pee lɛ yayami ngɔ to nane mi. Ke nɔ ko gba o hiɔ ɔ nɔ tue mi ɔ, plɛ kake ɔ hu ha lɛ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Yohane 19:3

nɛ a kplã si ngɛ e hɛ mi, nɛ a ye e he fɛu ke, “Yuda bi a matsɛ, manye oo manye!” Nɛ a gba e hɛ mi ma.

Marko 15:19

Kɛkɛ nɛ a kɛ tso fia e yi mi, nɛ a su lada ngɔ pue e nɔ, nɛ a kpla si ha lɛ kaa pe a ngɛ lɛ jae.

Kɔmɔ Yemi 3:30

Ke a ngɛ wɔ ní fiae, loo a ngɛ wa hɛ mi si puee ɔ, wa ha nɛ a pee kɛkɛ.

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

1 Korintobi 4:13

Ke a ngɛ wa biɛ puɛe ɔ, wa bɔɔ mɔde kaa wɔɔ lɛɛ wa maa tu he jɔmi munyu. Je ɔ buu wɔ kaa kuku kɛ ba si mwɔnɛ ɔ.

Marko 10:34

Ni nɛ ɔmɛ maa ye e he fɛu, nɛ a maa la lada ngɔ pue e nɔ. A maa fia lɛ kplibi, nɛ a maa gbe lɛ; se ligbi etɛ se ɔ, e maa te si kɛ ba wami mi ekohu.”

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Kɔmɔ Yemi 3:45

O ha nɛ wa plɛ nɔ́ nɛ a hiee, kɛ dwɔmi ha je ma amɛ tsuo.

Yeremia 20:2

Kɛkɛ nɛ Pashur ha nɛ a fia mi ní, nɛ a bɔ mi pã ngɛ Benyamin agbo ɔ yiti je ngɛ Yawɛ we ɔ mi.

Matsɛmɛ I, 22:24

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be Yawɛ mumi ɔ je ye nɔ nɛ e kɛ mo ba tu munyu?”

Mose V, 25:9

lɛɛ e nyɛmi ɔ yalɔyo ɔ nɛ ya nyumu ɔ ngɔ ngɛ ma nimeli ɔmɛ a hɛ mi. A je nyumu ɔ tokota kake ngɛ e nane, nɛ e su lada kɛ pue nyumu ɔ hɛ mi, nɛ é de ke, ‘Bɔ nɛ a peeɔ nɔ nɛ sume nɛ e wo nina ha e nyɛminyumu ji nɛ ɔ nɛ.’

Mose IV, 12:14

Se Yawɛ de Mose ke, “Ke Miriam tsɛ su lada pue e hɛ mi ɔ, anɛ e kɛ zo be e he lae ligbi kpaago lo? A je lɛ kɛ je sito he ɔ, nɛ a ya tsi e nya ligbi kpaago loko a ngɔ lɛ kɛ ba ekohu.”

Mateo 26:68

nɛ a de ke, “Kristo, de wɔ! Mɛnɔ lɛ fia mo nɔ́ ɔ?”