Mateo 26:65 - BAIBLO ALOO NGMAMI KLƆUKLƆU Ɔ

⁶⁵ Kɛkɛ nɛ osɔfo nɔkɔtɔma pe kulaa a hía tade klɔii ɔ nɛ e wo ɔ, nɛ e de ke, “E bɔ musu! Anɛ odase yeli kpahi a he pa hia wɔ lo? Jehanɛ lɛɛ, tse nyɛ nu kaa e bɔ musu!

Somi He Ɔ

⁶⁵ Kɛkɛ nɛ osɔfo nɔkɔtɔma a gba e tadehi nɛ e ke: “E bɔ musu! Mɛni wa pa ngɛ odase yeli hlae ya pee ekohu oʼɛ, jeha nɛ ɔ nyɛ nu e musu bɔmi ɔ!

Mateo 26:65 ပူးပေါင်းရင်းမြစ်များ

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yohane 10:33

Yuda bi ɔmɛ he nɔ ke, “Tsa pi kpakpa nɛ o pee ɔ he nɛ wa maa fia mo tɛ ɔ, se mohu musu nɛ o bɔ ɔ he. Nɔmlɔ adesa kɛkɛ ji mo, se o peeɔ o he Mawu.”

Mateo 9:3

Kɛkɛ nɛ mlaa tsɔɔli ɔmɛ a ti ni komɛ tu munyu kusikusi ke, “Nyumu nɛ ɔ ngɛ musu bɔe.”

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Mose IV, 14:6

Nun bi Yoshua, kɛ Yefune bi Kaleb, nɛ ji slaali ɔmɛ a ti nihi enyɔ hía a he tadehi,

Ni Tsumi 14:14

Benɛ Barnaba kɛ Paulo nu he ɔ, a hía a tade ngɛ a he, nɛ a sa fo kɛ ya sɛ ni kpekpemi a kpɛti kɛ ngmlaa ke,

Luka 5:21

Jehanɛ, mlaa tsɔɔli ɔmɛ, kɛ Farisi bi ɔmɛ bɔni a he bimi ke, “Nɔmlɔ nɛ ɔ, mɛnɔ ji lɛ loko e ngɛ musu bɔmi munyu tue kikɛ nɛ ɔ? Mɛnɔ ma nyɛ ngɔ yayami kɛ pa, kaa ja Mawu pɛ?”

Matsɛmɛ II, 18:37

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, kɛ Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Mose III, 21:20

kpotsɛ jio, akɔtia jio, nɔ nɛ hɛngmɛ hiɔ ngɛ e he jio, nɔ nɛ he womi nɔ hiɔ yaya ngɛ e he jio, nɔ nɛ sungmɛ mi wu ywia jio.