Mateo 26:64 - BAIBLO ALOO NGMAMI KLƆUKLƆU Ɔ

⁶⁴ Yesu de lɛ ke, “Ja o de ɔ nɛ! Se i ngɛ nyɛ dee ke, kɛ je be nɛ ɔ kɛ yaa a, nyɛ maa na Nɔmlɔ Bi ɔ nɛ hii si ngɛ Ope ɔ hiɔ nɔ, nɛ e ma ngɛ hiɔwe bɔku ɔmɛ a mi!”

Somi He Ɔ

⁶⁴ Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Mateo 26:64 ပူးပေါင်းရင်းမြစ်များ

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Marko 14:62

Yesu he nɔ ke, “Ee, imi. Nyɛ maa na Nɔmlɔ Bi ɔ kaa e hii si ngɛ Ope ɔ hiɔ nɔ, nɛ e ngɛ hiɔwe bɔku ɔ mi kɛ ma!”

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Luka 21:27

Kɛkɛ ɔ, a maa na Nɔmlɔ Bi ɔ nɛ ma ngɛ bɔku mi, kɛ he wami, kɛ hɛ mi nyami babauu.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Mateo 26:25

Yuda, nɔ nɛ tsɔɔ e se blɔ ɔ, bi lɛ ke, “Tsɔɔlɔ, imi lo?” Yesu he nɔ ke, “Ja o de ɔ nɛ.”

Mateo 25:31

“Ligbi ɔ nɛ Nɔmlɔ Bi ɔ maa ba kaa matsɛ, nɛ bɔfo ɔmɛ tsuo maa piɛ e he kɛ ba a, jamɛ a be ɔ mi ɔ, e maa hi e matsɛ sɛ saminyayoo ɔ nɔ,

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

Ni Tsumi 1:11

Nyumu ɔmɛ bi ke, “Nyɛ Galilea bi mɛni he je nyɛ daa si ngɛ kɔɔhiɔ mi hyɛe kikɛ nɛ ɔ? Yesu ɔ nɛ a ngɔ kɛ ho hiɔwe ya nɛ ɔ, e maa kpale kɛ ba ja nɔuu kaa bɔ nɛ nyɛ na lɛ nɛ e yaa a.”

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Luka 22:70

Kɛkɛ nɛ mɛ tsuo a bi lɛ ke, “Lɛɛ tse Mawu bi ji mo?” E he nɔ ke, “Ja nyɛ de ɔ nɛ.”

Mateo 27:11

Yesu daa si ngɛ Roma amlaalo ɔ hɛ mi, nɛ amlaalo ɔ bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ.”

Romabi 14:10

Lɛɛ mɛni he je moo o kojoɔ o nyɛmi? Aloo pohu mɛni he je nɛ o gbeɔ o nyɛmi he guɛ ɔ? Mawu hɛ mi wɔ tsuo wa maa da si ngɛ nɛ e maa kojo wɔ.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Mateo 16:28

Niinɛ, i ngɛ nyɛ dee ke ni komɛ daa si ngɛ hiɛ ɔ nɛ mɛɛ lɛɛ a be gboe kɛ yaa su be nɛ a maa na Nɔmlɔ Bi ɔ nɛ ma kaa matsɛ.”

Mateo 22:44

‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Luka 22:69

Se e be kɛe kulaa nɛ Nɔmlɔ Bi ɔ maa hi Mawu Ope ɔ hiɔ nɔ.”