Mateo 26:56 - BAIBLO ALOO NGMAMI KLƆUKLƆU Ɔ

⁵⁶ Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Somi He Ɔ

⁵⁶ Se a pee enɛ ɔ tsuo konɛ nihi nɛ gbali ɔmɛ ngma a nɛ ba mi.” Kɛkɛ nɛ kaseli ɔmɛ tsuo tu fo si lɛ.

Mateo 26:56 ပူးပေါင်းရင်းမြစ်များ

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Yohane 16:32

Be ma, nɛ e su ta; nyɛ tsuo nyɛ maa gbɛ fĩa. Nɔ tsuaa nɔ maa ya lɛ nitsɛ e we mi, nɛ e maa piɛ imi nɔ kake too. Se pohu pi imi nɔ kake nɛ maa piɛ, ejakaa i kɛ Tsɛ ɔ ngɛ.

Mateo 26:31

Jehanɛ ɔ, Yesu de mɛ ke, “Nyɔ nɛ ɔ mi ɔ, nyɛ tsuo nyɛ maa tu fo kɛ je ye he. Ejakaa a ngma ke, ‘Ma fia to hyɛlɔ ɔ nɔ, nɛ to kuu ɔ maa gbɛ fĩa.’

Mateo 26:54

Ke e ba jã a, lɛɛ ngmami ɔmɛ nɛ deɔ ke kikɛ nɛ ɔ e sa kaa níhi nɛ ba a, kɛ jamɛ a ngmami ɔmɛ maa pee kɛ ba mi kɛɛ?”

2 Timoteo 4:16

Kekleekle nɛ i ya fa ye he ngɛ kojomi he ɔ, nɔ ko nɔ ko kɛ mi yɛ. Mɛ tsuo a si mi; Mawu kó gbla a tue ngɛ enɛ ɔ he.

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Yesaya 44:26

Ke i tsɔ ye tsɔlɔ ke e ya je ye yi mi tomi kpo kɛ tsɔɔ ɔ, munyu nɛ e tuɔ ɔ, i maa nɔ mi, nɛ gbami ɔmɛ tsuo baa mi pɛpɛɛpɛ. I ngɛ Yerusalem dee ke, nihi ma ba hi ma a mi ekohu; a maa ma Yuda ma amɛ ekohu, nɛ nimli ma ba hi a mi. A maa to jamɛ a ma amɛ si ekohu ngɛ ma doku ɔmɛ a nane mi.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Mateo 21:42

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”