Mateo 26:55 - BAIBLO ALOO NGMAMI KLƆUKLƆU Ɔ

⁵⁵ Jehanɛ ɔ, Yesu kɛ ma kpekpemi ɔ tu munyu nɛ e de ke, “Imi lɛ nyɛ ma numi kɛ klaatehi kɛ tso kpotihi kaa a nuu ojo fialɔ ɔ? Daa nɛ ɔ, i hii sɔlemi we ɔ, nɛ i tsɔɔ ní, se nyɛ nui mi.

Somi He Ɔ

⁵⁵ Jamɛ a ngmlɛfia a nɔ nɔuu ɔ, Yesu de asafo ɔ ke: “Imi numi nyɛ ba kaa a nuu ojo fialɔ ko ke klaate kɛ tsokpotihi nɛ ɔ? I hii sɔlemi we ɔ daa nɛ i tsɔɔ ni, nɛ nyɛ nui mi.

Mateo 26:55 ပူးပေါင်းရင်းမြစ်များ

Yohane 8:2

E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi.

Marko 12:35

Benɛ Yesu ngɛ ní tsɔɔe ngɛ sɔlemi we ɔ, e bi ke, “Kɛ pee kɛɛ nɛ mlaa tsɔɔli ɔmɛ deɔ ke Kristo ɔ David nina ji lɛ ɔ?

Yohane 7:28

Jehanɛ, benɛ Yesu ngɛ ní ɔ tsɔɔe ngɛ sɔlemi we ɔ, e kpa ngmlaa kɛ bi ke, “Anɛ nyɛ le mi tutuutu? He nɛ i je ɔ, nyɛ le? Pi imi nitsɛ ye he wami nya nɛ i ba. Nɔ nɛ tsɔ mi ɔ, anɔkualetsɛ ji lɛ; nyɛɛ nyɛ li lɛ.

Yohane 7:14

Benɛ nyami ɔ ngɛ nɔ yae ɔ kɛkɛ nɛ Yesu ya hia si ngɛ sɔlemi we ɔ, nɛ e bɔni ní tsɔɔmi.

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Mateo 26:47

Benɛ Yesu ngɛ munyu ɔ tue kɛ mwɔɔ ɔ, Yuda, ni nyɔngma kɛ enyɔ ɔmɛ a kpɛti nɔ kake ɔ ba hia kpo kɛ nihi babauu ngɛ e se; nɛ a hɛɛ klaatehi kɛ tso kpotihi. Nimli nɛ ɔmɛ ɔ, osɔfo nikɔtɔma amɛ; kɛ ma nimeli ɔmɛ nɛ tsɔ mɛ.

Marko 10:1

Enɛ ɔ se ɔ, Yesu si lejɛ ɔ, nɛ e pue nɔ kɛ ho Yudea ní ɔmɛ a mi, kɛ Yordan pa a se ya. Nihi babauu ba bu e nɔ ekohu, nɛ e tsɔɔ mɛ ní kaa bɔ nɛ e pɔɔ peemi ɔ.

Luka 4:20

Yesu nga womi ɔ, nɛ e kpale ngɔ ha sɔmɔlɔ ɔ, nɛ e ho ya hi si. Kɛkɛ nɛ ni ɔmɛ tsuo nɛ ngɛ kpe he ɔ bɔni lɛ hyɛmi too.

Luka 19:47

Daa ligbi ɔ, Yesu ya tsɔɔ ní ngɛ sɔlemi we ɔ. Osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ hlaa kaa a maa gbe lɛ.

Luka 20:1

Ligbi ko benɛ Yesu ngɛ ní tsɔɔe ngɛ sɔlemi we ɔ, nɛ e ngɛ sane kpakpa a fiɛe ɔ, osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ ba e ngɔ.

Yohane 8:20

Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.