Mateo 26:53 - BAIBLO ALOO NGMAMI KLƆUKLƆU Ɔ

⁵³ Anɛ o susu kaa i be nyɛe ma kpa Tsaatsɛ pɛɛ, nɛ amlɔ nɛ ɔ nɔuu e maa tsɔ hiɔwe bɔfohi asafo nyɔngma kɛ enyɔ kɛ se kɛ ba nɛ a ba je ngmlaa ha mi lo?

Somi He Ɔ

⁵³ Aloo o susu kaa i be nyɛe Tsaatsɛ pɛɛ ma kpa nɛ amlɔ nɛ ɔ nɔuu e ma ha mi hiɔwe bɔfohi pe asafo nyɔnmga kɛ enyɔ nɛ a ba fã ye he?

Mateo 26:53 ပူးပေါင်းရင်းမြစ်များ

Matsɛmɛ II, 6:17

Kɛkɛ nɛ Elisha sɔle nɛ e de ke “Yawɛ, i kpa mo pɛɛ, bli e hɛngmɛ nɛ e hyɛ nɔ́.” Yawɛ bli niheyo ɔ hɛngmɛ; nɛ benɛ e ke e hyɛɛ ɔ, la okpɔngɔhi, kɛ la ta zugba lɛhi babauu ji nɛ ɔ ngɛ yoku ɔ nɔ nɛ bɔle Elisha kɛ kpe.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Mateo 25:31

“Ligbi ɔ nɛ Nɔmlɔ Bi ɔ maa ba kaa matsɛ, nɛ bɔfo ɔmɛ tsuo maa piɛ e he kɛ ba a, jamɛ a be ɔ mi ɔ, e maa hi e matsɛ sɛ saminyayoo ɔ nɔ,

Mateo 4:11

Kɛkɛ nɛ Abosiami si lɛ, nɛ bɔfohi ba nɛ a ba sɔmɔ lɛ.

Marko 5:15

A ba Yesu ngɔ, nɛ a ba na nyumu ɔ nɛ jinɛ mumi yayamihi asafo ngɛ e mi ɔ. E hii si kɛ e he tade, nɛ e hɛ mi tsɔ lɛ. Enɛ ɔ pee mɛ gbeye.

Marko 5:9

Kɛkɛ nɛ Yesu bi lɛ ke, “Kɛ a tsɛɛ mo kɛɛ?” Nyumu ɔ he nɔ ke, “Ye biɛ ji Asafo, ejakaa wa he hiɛ.”

Luka 8:30

Jehanɛ ɔ, Yesu bi nyumu ɔ ke, “Kɛ a tsɛɛ mo kɛɛ?” E he nɔ ke, “Asafo”, ejakaa mumi yayamihi fuu lɛ ngɛ e mi.

Yohane 10:18

Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

Yohane 18:36

Yesu he nɔ ke, “Ye matsɛ yemi ɔ, pi je nɛ ɔ mi nɔ́. Kaa je nɛ ɔ mi nɔ́ ɔ, jinɛ ye se nyɛɛli ɔmɛ maa plee ye he, konɛ a ko ngɔ mi ngɔ ha Yuda ma nimeli ɔmɛ. Se enɛ ɔ, ye matsɛ yemi ɔ, pi je nɛ ɔ mi nɔ́.”

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

Yuda 1:14

Henok, Adam nina tutuutu ekpane ɔ, nɔ́ nɛ e gba blema lokoo ngɛ nimli nɛ ɔmɛ a he ji nɛ ɔ nɛ: “Nyɔmtsɛ ɔ ma kɛ e bɔfo klɔuklɔuhi akpeakpe abɔ.