Mateo 26:37 - BAIBLO ALOO NGMAMI KLƆUKLƆU Ɔ

³⁷ E ngɔ Petro, kɛ Zebedeo binyumuhi enyɔ ɔmɛ ngɔ piɛ e he. Aywilɛho nu lɛ, nɛ e hao;

Somi He Ɔ

³⁷ Nɛ e ngɔ Petro kɛ Zebedeo bimɛ nyumuhi enyɔ ɔ ngɔ piɛ e he nɛ e ywlɛ ho e he nɛ e hao.

Mateo 26:37 ပူးပေါင်းရင်းမြစ်များ

Mateo 4:21

Benɛ Yesu je lejɛ ɔ, e na nyɛmimɛ enyɔ kpa komɛ ngɛ lɛ mi nɛ a kɛ a tsɛ Zebedeo ngɛ ya kpɛe, nɛ e tsɛ mɛ. Mɛ ji Yakobo kɛ Yohane.

Mateo 17:1

Ligbi ekpa se ɔ, Yesu ngɔ Petro, kɛ Yakobo kɛ e nyɛmi Yohane, nɛ e nyɛɛ a hɛ mi kɛ ya yo gagaa ko nɔ ngɛ he ko banee.

Marko 5:37

E ha we nɛ nɔ ko nɔ ko nɛ nyɛɛ e se, ja Petro, Yakobo, kɛ Yakobo nyɛmi Yohane pɛ.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Mateo 20:20

Enɛ ɔ se ɔ, Zebedeo bimɛ ɔmɛ a nyɛ kɛ e binyumu ɔmɛ ba Yesu ngɔ. E kpla si ngɛ Yesu hɛ mi, nɛ e ngɔ e hiami nɔ́ ko kɛ fɔ e hɛ mi.

Mateo 4:18

Benɛ Yesu ngɛ si kpae ngɛ Galilea wo ɔ nya a, e na nyɛmimɛ hɛli enyɔ nɛ a ngɛ ya fɔe ngɛ wo ɔ mi. Mɛ ji Simon, nɛ a tsɛɛ lɛ Petro hulɔ ɔ, kɛ Andrea.