Mateo 26:34 - BAIBLO ALOO NGMAMI KLƆUKLƆU Ɔ

³⁴ Yesu de Petro ke, “Niinɛ, i ngɛ mo dee ke, nyɔ nɛ ɔ mi ɔ, loko kungwɔ ma kpa nɔ́ ɔ, o ma de si etɛ ke o li mi.”

Somi He Ɔ

³⁴ Yesu de lɛ ke: “Niinɛ, i ngɛ mo dee ke: Nyɔ nɛ ɔ mi nɔuu, loko kungwɔ ma kpã nɔ ɔ, o ma kpa ngɛ ye si etɛ.”

Mateo 26:34 ပူးပေါင်းရင်းမြစ်များ

Mateo 26:33

Petro ka Yesu kita, nɛ e de ke, “Ke ni ɔmɛ tsuo si mo ɔ, imi lɛɛ i be mo sie gblegbleegble!”

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Marko 14:72

Amlɔ ɔ, kungwɔ kpa nɔ́ si enyɔne; nɛ Petro kai munyu nɛ Yesu de lɛ ke, “Kungwɔ be nɔ kpae si enyɔ nɛ o ma de si etɛ ke o li mi” ɔ. Benɛ Petro kai nɔ́ nɛ ɔ, e hao, kɛkɛ nɛ e wo ya.

Luka 22:34

Yesu de lɛ ke, “Petro, i ngɛ mo dee ke, kungwɔ be nɔ́ kpae nyɔ nɛ ɔ mi, nɛ o ma de si etɛ ke o li mi.”

Luka 22:61

Nyɔmtsɛ ɔ plɛ e he nɛ e hyɛ Petro. Nɛ Petro kai kaa Nyɔmtsɛ ɔ de lɛ be ko ke, “Loko kungwɔ ma kpa nɔ nyɔ nɛ ɔ mi ɔ, o ma de si etɛ ke o li mi.”

Yohane 13:38

Yesu he nɔ ke, “Ei! O ma gbo ngɛ imi ye he? I ngɛ mo dee anɔkuale mi ke, loko kungwɔ ma kpa nɔ hwɔɔ ɔ, o ma de si etɛ ke o li mi.”