Mateo 26:3 - BAIBLO ALOO NGMAMI KLƆUKLƆU Ɔ

³ Jamɛ a be ɔ mi ɔ, osɔfo nikɔtɔma amɛ, kɛ ma nimeli ɔmɛ ya bua a he nya ngɛ osɔfo nɔkɔtɔma pe kulaa Kayafa mɔ ɔ mi,

Somi He Ɔ

³ Lɛ be ɔ mi ɔ, osɔfo nikɔtɔma amɛ kɛ mlaa tsɔɔli ɔmɛ kɛ ma nikɔtɔma amɛ ya bua a he nya ngɛ osɔfo nɔkɔtɔma nɛ a tsɛɛ lɛ Kaiafa a mɔ ɔ mi.

Mateo 26:3 ပူးပေါင်းရင်းမြစ်များ

Yohane 18:24

Jehanɛ ɔ, Yesu ngɛ pã a mi, nɛ Hana ha a kɛ lɛ ya ha Kayafa, osɔfo nɔkɔtɔma pe kulaa a.

Marko 14:54

Petro nyɛɛ a se ngɛ lokoo kɛ ya sɛ osɔfo nɔkɔtɔma pe kulaa a kue ɔ mi ngɛ e we ɔ mi. E ya hi si ngɛ buli ɔmɛ a kasa nya nɛ e ngɛ la hlue.

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Yohane 11:57

Osɔfo nikɔtɔma amɛ, kɛ Farisi bi ɔmɛ ya wo ma a si kaa nɔ tsuaa nɔ nɛ le he nɛ Yesu ngɛ ɔ, e ba wo a tue nɔ, konɛ a ya nu lɛ.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

La 56:6

A buaa a he nya, nɛ a huɔɔ mi, kɛ ye ní peepee, konɛ a na ye he blɔ nɛ a gbe mi.

Luka 3:2

Ana kɛ Kayafa hu ngɛ osɔfo nikɔtɔma pe kulaa yee. Jamɛ a be ɔ mi ɔ, Mawu kɛ sɛ gbi ha Zakaria bi Yohane ngɛ nga a nɔ.

Mateo 26:69

Be nɛ ɔ mi tsuo ɔ, Petro hii si ngɛ kue ɔ mi ngɛ kpo ɔ nɔ. Kɛkɛ nɛ osɔfo nɔkɔtɔma pe kulaa a mawayo ko ba e ngɔ ba de lɛ ke, “Mo hu tse o kɛ Yesu, Galilea no ɔ lɛ ngɛ!”

Mateo 27:27

Jehanɛ ɔ, Pilato ta buli ɔmɛ ngɔ Yesu kɛ ba amlaalo ɔ we ɔ mi; nɛ tabo ɔ tsuo ba bua kɛ bɔle Yesu kɛ kpe.

Marko 14:66

Benɛ Petro ngɛ kue ɔ mi kɛ mwɔɔ ɔ, osɔfo nɔkɔtɔma pe kulaa a mawayi ɔmɛ a ti nɔ kake ba na lɛ ngɛ lejɛ ɔ.

Marko 15:16

Ta buli ɔmɛ ngɔ Yesu kɛ ho amlaalo ɔ mɔ ɔ mi ya; nɛ a tsɛ tabo ɔ tsuo kɛ ba kpe.

Luka 22:55

A slɛ la ngɛ kue ɔ kpɛti, nɛ nihi hii si kɛ bɔle la a, nɛ Petro ho ya piɛ a he.