Mateo 26:28 - BAIBLO ALOO NGMAMI KLƆUKLƆU Ɔ

²⁸ Enɛ ɔ ji ye muɔ nɛ a kɛ sɔu Mawu somi ɔ nya. A plɛ ye muɔ ɔ ngɔ pue si ha nihi fuu, konɛ a ngɔ a he yayamihi ngɔ pa mɛ.

Somi He Ɔ

²⁸ Ejakaa enɛ ɔ ji ye muɔ nɛ ji somi ɔ nɔ ɔ nɛ a plɛ pue si ngɛ nihi fuu a he ha yayami pami.

Mateo 26:28 ပူးပေါင်းရင်းမြစ်များ

Mose III, 17:11

Muɔ ji nɔ́ nɛ haa he lo tsuaa he lo wami. Lɔ ɔ he nɛ Yawɛ fa ke a ngɔ muɔ kɛ pue bɔ sami la tɛ ɔ nɔ nɛ a kɛ kpa musu ɔ nɛ. Muɔ ji nɔ́ nɛ a kɛ kpaa musu, ejakaa wami ngɛ mi.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

1 Korintobi 11:25

Ja nɔuu e wo kplu ɔ hu benɛ a ye ní ɔ ta a, nɛ e de ke, “Kplu nɛ ɔ ji Mawu somi he ɔ nɛ a kɛ ye muɔ sɔu nya. Nyɛɛ pee enɛ ɔ, be tsuaa be nɛ nyɛ maa nu ɔ, nɛ nyɛ kɛ kai mi.”

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Zakaria 9:11

Moo lɛɛ i ngɔ muɔ kɛ sã bɔ kɛ ma somi nɛ i kɛ mo so ɔ nɔ mi. Lɔ ɔ he ɔ, o bimɛ nɛ a nuu mɛ nyɔguɛ ɔ, ma jé mɛ kɛ je ma se he nɛ ngɛ kaa vu nɛ nyu be mi ɔ kɛ ba we.

Kolosebi 1:14

E Bi ɔ ha nɛ wa ye wa he; ee, e kɛ wa he yayami pa wɔ.

Luka 22:19

Jehanɛ ɔ, e kɛ̃ abolo, nɛ e na Mawu si, nɛ e ku mi, nɛ e ngɔ ha mɛ, nɛ e de ke, “Enɛ ɔ ji ye nɔmlɔ tso [nɛ a ngɔ sã bɔ ha Mawu ngɛ nyɛ he. Nyɛɛ pee enɛ ɔ nɛ nyɛ kɛ kai mi.”

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Romabi 5:19

Ejakaa kaa bɔ nɛ nihi babauu ba pee yayami peeli ngɛ nɔ kake tue gbomi he ɔ, jã kɛ̃ Yesu Kristo nɔ kake e tue nɛ e bu ɔ he ɔ, Mawu maa bu nihi tsuo dali.

Marko 14:24

Yesu de mɛ ke, “Ye muɔ nɛ a ngɔ pue si ha nihi babauu nɛ a kɛ sɔu Mawu somi ɔ nya ji nɛ ɔ nɛ.

Yeremia 31:31

Yawɛ ke, “Be ma nɛ i kɛ Israel ma a, kɛ Yuda ma a maa so somi he.

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Romabi 5:15

Se Mawu nɔke nɔ́ ɔ slo kulaa ngɛ yayami nɛ Adam pee ɔ he. Ejakaa yayami nɛ Adam pee ɔ ha nihi babauu gbo lɛɛ, se Mawu dloomi ɔ, kɛ nɔke nɔ́ nɛ a gu Yesu Kristo dloomi ɔ nɔ ha wɔ ɔ hiɛ hluu tsɔ kɛ ha nihi tsuo.

Marko 1:4

Yohane nɔ sɔlelɔ ɔ ba ngɛ fiɛe nɛ e ngɛ nihi sɔlee ngɛ nga a nɔ. E ngɛ fiɛe ke, “Nyɛɛ kpale kɛ je nyɛ yayami ɔmɛ a he, nɛ́ a sɔle nyɛ konɛ Mawu nɛ ngɔ nyɛ he yayami ɔmɛ kɛ pa nyɛ.”

Mateo 6:12

Ngɔɔ wa tɔmi ɔmɛ kɛ pa wɔ kaa bɔ nɛ wɔ hu waa kɛ paa nihi nɛ tɔɔ wa nɔ ɔ.

Mateo 26:27

Enɛ ɔ se ɔ, e wo kplu, nɛ e na Mawu si, nɛ e ngɔ ha mɛ, nɛ e ke, “Nyɛ tsuo nyɛɛ nu.

Mateo 26:29

I ngɛ nyɛ dee ke, i be wai nɛ ɔ nue hu gblegbleegble kɛ yaa si ligbi ɔ nɛ i kɛ nyɛ maa nu wai he ɔ ngɛ Tsaatsɛ matsɛ yemi ɔ mi.”

Luka 22:20

Benɛ a ye ní ɔ ta a, e wo kplu ɔ ja nɔuu, nɛ e de mɛ ke, “Kplu nɛ ɔ ji Mawu somi he ɔ nɛ a ngɔ ye muɔ nɛ a plɛ ngɔ pue si ha nyɛ ɔ kɛ sɔu nya a nɛ.]

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?