Mateo 26:21 - BAIBLO ALOO NGMAMI KLƆUKLƆU Ɔ

²¹ Benɛ a ngɛ ní ɔ yee ɔ, Yesu de ke, “Niinɛ, i ngɛ nyɛ dee ke, nyɛ ti nɔ kake maa tsɔɔ ye se blɔ.”

Somi He Ɔ

²¹ Nɛ benɛ a ngɛ ni ɔ yee ɔ, e ke: “Niinɛ, i ngɛ nyɛ dee ke: Nyɛ ti nɔ kake maa tsɔɔ ye se blɔ.”

Mateo 26:21 ပူးပေါင်းရင်းမြစ်များ

Yohane 13:21

Benɛ Yesu de ní nɛ ɔmɛ ɔ, e hao wawɛɛ ngɛ mumi mi; nɛ e gba mi kpoo nɛ e de ke, “I ngɛ nyɛ dee anɔkuale mi ke, nyɛ ti nɔ kake maa tsɔɔ ye se blɔ.”

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Mateo 26:2

“Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Mateo 26:22

Nɔ́ nɛ ɔ ha kaseli ɔmɛ hao wawɛɛ, nɛ a bɔni lɛ bimi kakaaka ke, “Nyɔmtsɛ, imi lo?”

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 13:22

E kaseli ɔmɛ pee yaa, nɛ a hyɛ a sibi a hɛ mi dii; ejakaa nɔ nɛ tutuutu he munyu nɛ e ngɛ tue ɔ, a li.