Mateo 26:2 - BAIBLO ALOO NGMAMI KLƆUKLƆU Ɔ

² “Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Somi He Ɔ

² “Nyɛ le kaa e piɛ ligbi enyɔ nɛ a yeɔ Hetsɔmi ɔ, nɛ a ma je Nɔmlɔ Bi ɔ ngɔ ha nɛ a sɛu lɛ.”

Mateo 26:2 ပူးပေါင်းရင်းမြစ်များ

Mose II, 34:25

“Koo ngɔ abolo nɛ a kɛ masa sã a ngɔ piɛ lohwe nɛ o kɛ ngɛ bɔ sãe ha mi ɔ he. Lohwe nɛ a gbe Hetsɔmi nyami be ɔ hu, je nɛ ko na yi.

Mateo 10:4

Simon (ma he doolɔ ɔ), kɛ Yuda Iskariot, nɔ nɛ ba tsɔɔ Yesu se blɔ ɔ.

Mateo 17:22

Benɛ kaseli ɔmɛ tsuo a nya ba bua ngɛ Galilea a, Yesu de mɛ ke, “A miɔ nɛ a maa ngɔ Nɔmlɔ Bi ɔ kɛ wo nimli adesahi a dɛ mi

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Luka 22:15

E de mɛ ke, “I kɛ he hiami hyɛ blɔ wawɛɛ kaa i kɛ nyɛ maa ye Hetsɔmi niye ní nɛ ɔ loko ma na amanehlu!

Yohane 11:55

Jehanɛ ɔ, Hetsɔmi nyami be ɔ su ta; lɔ ɔ he ɔ, nihi babauu nɛ je ngmɔ si ɔ pue nɔ kɛ ho Yerusalem ya. Kusumi nɛ a peeɔ kɛ tsukɔɔ a he ɔ, a ya konɛ a ya pee loko nyami be ɔ nɛ su.

Yohane 12:1

Jehanɛ ɔ, benɛ e piɛ ligbi ekpa nɛ a maa ye Hetsɔmi ɔ, Yesu ba Betania, he nɛ Lazaro nɛ gbo nɛ Yesu tle lɛ si kɛ je gbeje ɔ ngɛ ɔ.

Yohane 18:2

Yuda, nɔ nɛ ya tsɔɔ Yesu se blɔ ɔ le lejɛ ɔ, ejakaa Yesu kɛ mɛ pɔɔ kpemi ngɛ lejɛ ɔ.

Yohane 18:32

A de enɛ ɔ, konɛ Yesu munyu nɛ e tu kɛ tsɔɔ gbenɔ nɛ e ma gbo ɔ nɛ ba mi.

Yohane 2:13

Benɛ Yuda bi ɔmɛ a Hetsɔmi nyami be ɔ su ɔ, Yesu ya Yerusalem.